ET ENTREPRISES

Sacrée Majesté, mon très redoublé et souverain seigneur, le plus très humblement que faire puis je me recommande à vostre reale magnificence, monseigneur Maximilien, par la clémence divine Roy des Romains, Empereur apparant et toujours auguste.

Je, Olivier, seigneur de la Marche, indigne premier maistre d'ostel de monseigneur l'archiduc d'Austriche vostre filz, et à vous humble serviteur et subject, aiant receu voz lettres qui me valent commandement par lesquelles me mandez que je vous envoyé ce que je sçay et ay apris des officiers qui appartiennent à Testât d'un Roy, et menlandez de vostre grâce que, se je n'en ay aucune chose par escript, que je en face de tout* nouveau selon mon advis et entendement, et combien que je n'ay le sens de si haulte chose comprendre, toutefibis, pour obeyr à vostre mandement et escripture, je employray la capacité de mon entendement à mettre par escript ce que je en ay peu enquérir, sçavoir et retenir.

Sire, je ne tienne point en mes registres que j'aye

1. Transcrit sur un ms. de la Bibl. impériale de Vienne, np 3360. Cette pièce précède la copie de VÉtat de la maison du duc Charles,

aucune chose par escript de ce que vous me demandez, mais j'ay careult^ et pensé de vous en escripre mon advis en deux manières. La première manière, c'est des grans et principaulx officiers que doit avoir ung Roy, et ne me artre^ point sur la manière d'Allemaigne ne de l'Empire, car vous estes assez informé de ceste matière, et mieulx que je ne vous sauroye escripre. Mais vous informeré desestatutz de France, d'Angleterre et d'ailleurs, où vous pourrez avoir regard à vostre bon plaisir. Et pour la seconde manière, je vous envoyé en ce présent volume Testât du duc Charles, qui fut pour ung duc grant et magnifîcque, et en la manière que je l'enregistray, nous estant au siège devant Nuys, à la requeste du Roy Edouartd'An* gleterre qui m'envoya Tavitailleur de Calais pour avoir ledit estât par escript, pour ce que en celluy temps il vouloit descendre en France à puissance d'armes et se monstrer en son estât grant Roy et puissant, ce qu'il fist et descendit. Mais la conclusion de son voiage fut qu'il retourna en Angleterre par appointement, qui ne fut pas trop à son avantaige, et vauldroit mieulx à ung prince en prendre plus sobrement que se départir de son affaire en confusion.

Et pour ce, sire, je commenceré et entreré en la première voye. C'est quelz officiers doit avoir ung Roy. Et n'est pas à entendre que en chascune office il ne puist et doye avoir qu'un seul officier ; mais s'entend que, selon que les seignouries de son royaulme sont grandes, il se peult eslargir et tenir plusieurs officiers d'une vocation, comme je pourray dire cy après.

i. Cru.