Arrête

BIÉMOmES d'OLIYIER DB la flfABCHB. 155

Sire, toutes choses se doivent commencher par les divins offices. Et doit avoir ung Roy ung confesseur, prélat, docteur et renommé de bonne vie, et doit estre icelluy prélat aymé et obey du Roy touchant Testât de sa conscience. Et ne tienne point par escript ne autre* ment que qui n'ayme son confesseur et l'a en chierté, cremeur et révérence, à grant peine seroit il obey en ses divins commandemens de crainte d'en cheoir en pechié et maléfices. Car qui craint et ayme celluy qui le chastie et corrige, il monstre dévotion étemelle et toute espérance de la voye de Paradis.

Ung Roy doit avoir ung grant chambellan et le nommer premier que tous les autres officiers, pour ce que c'est le plus prochain de la personne du Roy, et doit conduire la bannière du Roy en bataille. Il doit avoir les seaulx du secret en ses mains et, au regard des grans seaulx, soit pour previlleiges , pour paix et pour le fait de la justice, ilz doivent estre es mains du chancelier ; et doit estre le grant chambellan ung des principaulx lieutenans du Roy, et doit estre obey en la maison conune la personne du Roy.

Ung Roy doit avoir ung connestable, et doit estre lieutenant du Roy en toutes choses et principalement au fait de la guerre. Et se doit faire d'un homme noble et puissant, et qui puist soustenir et porter oultre Testât de son office, tant ce que le Roy luy commande comme aussy les choses qui peuvent survenir devant luy des alSfaires du royaulme en l'absence du Roy. Il peult donner sauf conduitz, il peut cognoistre de gaige de bataille, et mesmement du fait de gaige, affin que par droit y soit congneu que le gaige est recevable ou qu'il face à rebouter.

Ung Roy doit avoir ung chancelier, noble de meurs, clerc et bien fondé en loix, et qu'il soit homme pour respondre soit en latin ou en la langue du royaulme. Et doit estre homme droiturier, droit en justice et en ses jugemens hors de toute faveur.

Ung Roy, se son royaulme est scitué sur la mer, doit avoir ung admirai qui soit homme en noblesse et en povoir de telle qualité que le connestable. Et doit avoir telle autorité et telle puissance par tous les havres du royaulme, par la mer, par les nefz et navires, comme le connestable a sur terre. Et doit estre lieutenant du Roy es parties dessusdites et peult donner en la mer grâces et sauf conduitz et faire ce qu'un heutenant de Roy peult faire.

Ung Roy doit avoir ung mareschal ou plusieurs, selon l'estendue et quartiers de son royaulme, le mareschal qui est la place du connestable en l'absence d'icelluy connestable. Tous gens de guerre qui sont au service du Roy se doivent passer à reveues par le mareschal ou par ses commis, et prend droiz sur chacune paye aux paiemens desditz gens d'armes. Et doit ordonner le mareschal le prevosl des mareschaulx et les prevostz des mareschaulx pour avoir regard à furnir les vivres en l'ost du Roy ou de son armée. Et doit le prevost tenir la justice du camp, du siège ou de l'armée du Roy ; et ne peult de soy faire grâce aux malfaicteurs, mais le peult faire le Roy, le connestable ou le ^lareschal.

Ung Roy doit avoir ung grant maistre d'oste. Ce grant maistre d'oste doit congnoistre de toutes les serimonies et police de la maison du Roy , etlesaultres maistres d'oste luy doivent obeyr . Et doit le grant

maistre d'oste soingnier de recepvoir et aller au devant des embassadeurs et estràngiers venans à Tostel du Roy, de les festoyer et conduire devers le Roy, ou de sçavoir quelz personnaiges les' conduiront. Et est à entendre que, se les embassadeurs viennent de grant Roy ou de grant prince, ilz doivent estre selon leur maistre bien benigniez et honnorez. Et si doit le grant maistre d'oste soingnier des dons et des gratuitez que le Roy son maistre vouldra faire auxditz embassadeurs.

Ung Roy doit avoir ung premier verlet de chambre, que nous appelions en la maison de Bourgoingne ung sommilier de corps. Et se doit avoir premier pannetier, premier eschanson, premier escuier tranchant et ung grant et premier escuier d'escuirye. Et d'iceulx je me déporte d'escripre, pour ce que en tous royaulmes ilz ont droiz et usaiges selon les coustumes de chacun royaulme. Et aussy se pourra veoir, par Testât du duc Charles, grand partie de la conduite d'iceulx estatz. Si soit prins en gré, sacrée Majesté, ce que j'ay peu enregistrer selon mon entendement en ensuivant ce qu'il vous a pieu moy mander et escripre. Et pour le second point je vous envoyé cy tenant de point en point et de mot à autre, ce que je mis en escript pour envoyer au Roy Edouart d'Angleterre, que Dieu pardoint. Sire, pyez pour recommandé le viellart de soixante seize ans et sa vielle compaingne qui ne servons en ce monde que de prier pour vous et pour vostre noble lignée. Fait en vostre ville de Bruxelles le dixiesme jour de juing l'an de grâce mil cinq cens.

Ensuite on lit : C'est le double de V estât du duc Charles de Bourgoingne envoyé par la Marche au Roy Êdôuart d'Angleterre.

ESPITRE