Pendre

au panetier, qui la reploie et remet sur. son espaule, et puis s'en va après le maistre d'hostel en la cuisine ; et à lever les metz, le panetier lieve ^ les couvertures, et le maistre d'hostel faict les assays desdits metz ; et, ce faict, ledit panetier recouvre le plat, et baille les plats couvers par celle manière les ungs après les autres aux gentilshommes des quatre estaz, qui ont suyvy pour apporter la viande du prince, et aux paiges et varletz servans du prince. Ceulx sont ordonnez à porter la viande du prince*, et sont nues testes. Et, la viande chargée, le saulsier présente au panetier verjus, et le panetier prend ung assay pour chascune saulse et le baille au saulsier ^ pour en faire la créance ; et le panetier doibt porter lesdictes saulses, et est la cause pourquoy le panetier baille l'assay au saulsier, et non pas le maistre d'hostel, et si ne baille que ung assay, et le maistre d'hostel deux, et ce pour ce que le panetier rend compte seul de ce qu'il lieve*; et le maistre d'hostel ne le queux ^ n'en rendent plus de compte, mais mettent la viande en la charge du panetier et de l'escuier qui la porte ; et pour ce baille le maistrç d'hostel deux assays pour chascun metz; ainsi, la viande chargée, l'huissier se met devant le maistre d'hostel et après luy le panetier, et puis ^ les metz vont après et doibt estre le plat le premier ''. L'escuier de cuisine doibt venir après la viande, et devant le prince