Sept mots omis

s'agenouille l'huissier en faisant place et voie, et puis le maistre d'hostel qui ^ se met au bout de la table, où il doit demourer jusques à tant que la viande soit assise et assays fais, et doibt avoir tousjours l'œil et le regart^ sur ce. Et le panetier assiet la viande sur la table, et puis prend son assay, et le baille aux autres l'ung après l'autre. Et se remet le panetier au bout de la table devant la nef, et sert le duc à deux fois, et à chascune fois de douze ou treize metz; et le soupper se sert à une fois ; et doibt le panetier prendre ung des couteaulx, et mettre le sel de la grande salliere en la petite, et faire son assay, et le mettre devant le prince. Le panetier prend au buffet les oublies; et s'il y a assemblée au banquet, il peut asseoir les oublies devant tous ceulx qui sont assis à la table du prince, et non aultres ; et puis le sommellier de la paneterie apporte au panetier une blanche serviette courte ployée et la baise, et le panetier l'enveloppe en une serviette qu'il a sur le col au droit ^ de sa poictrine ; et c'est la cause pourquoy le panetier met les deux boutz de la serviette en sa chinture, afin qu'il puist mieux tenir et garder la serviette qui luy doibt estre baillée. Et après avoir receu ladicte serviette, le panetier rend au sommellier les trench^rirs, la petite nef et les sallieres. Et au regard de la grant nef, l'aumosnier la doibt lever comme il est dit cy dessus^ ; et, la nappe ostée, le panetier dèi|veloppe sa serviette et la baise, et puis la desploie devant le prince et tient le bout de