Hauts

en toutes assiettes et en tous lieux, on doit avoir regart aux veues et aux venues et* entrées de la sale, et doit estre le hault bout à la plus belle veue et du costé des fenestres, soit à dextre ou à senestre. Le prince^ venu et Tassiette baillée, comme il est escript cy dessus en Testât des panetiers, le maistre d'hostel appelle l'eschanson, et lors l'eschanson ^ abandonne la table, et va au buffet, et treuve les bacins couvers que le sonmiellier a * apprestez ; si les prent, et baille l'essay de Teaue au sommellier, et se agenouille devant le prince, et lieve le bacin qu'il cœuvre^ de la main senestre, et verse de Teaue de l'autre bacin sur le bord d'iceluy, et en fait créance et essay, et donne à laver de l'ung des bacins, et reçoit l'eaue en l'autre bacin ; et sans recouvrir Jesdits bacins les rend au sommellier. Ce fait, l'eschanson se met devant le gobellet, et regarde le prince, et y doibt avoir si grant regart que le prince ne doibt demander le vin que par signe. Si prent après le signe le gobellet en sa main et la tasse, et doit porter son gobellet hault, affin que son alaine n'y attainde point ; et l'huissier de la salle luy faict voie, et quant le sommellier le voit venir, il emplit son esguierre d'eaue fresche, et rafreschit le gobellet en la main de l'eschanson dedans et dehors, puis prent une tasse en sa main senestre, et le pot de la bouche en la main dextre, et verse premier en la tasse qu'il tient, et puis au gobellet, et puis prend l'esguierre et