De la chambre

50 MEMOIRES d'OUVIER DE LA MARCHE.

esclairer le devant . Le duc a trois queux ^ pour sa bouche , chascun compté par quatre mois ; et doit le queux en sa cuisine commander, ordonner et estre obey, et doit avoir une chaiere entre le bufiet et la cheminée, pour seoir et soy repqser se besoing fait ^ ; et doit estre assise icelle chaiere en tel lieu qu'il puist veoir et congnoistre tout ce que l'on fait en ladicte cuisine, et doit avoir en sa main une grande louche ^ de bois, qui luy sert à deux fins : l'une pour assayer potaige et brouez, et l'autre pour chasser avant^ les enfans hors de la cuisine, pour faire leur devoir, et ferir dessus ^ se besoing est. Le queux a en sa garde les espices de garnison, et en rend compte à conscience et à discrétion, et luy sont baillées icelles espices, conmie sucre et autres choses, par le contreroUeur, qui en a le double; et- quant il est adverty que le prince veult venir ^ à table, il doit faire couvrir son buffet par le saussier, qui doit apporter la nappe et la vaisselle ; et doit le queux soy vestir "^ d'ung honneste habit, et avoir la serviette pendante à son espaule dextre, et doit recevoir la viande de ceulx à qui il l'a mise en main, et leur bailler à tous leur essay ; et puis recœuvre les platz, et reçoit l'essay que luy baille le maistre d'hostel, comme il est devant dit. Et peult le queux aporter un metz devant le prince, et faire son essay luy mesmes, et aller boire au buffet; et luy doit on bailler du vin de la bouche,