Viendroient

soubz la gouvernance de l'estandart et soubz la sienne que des autres ; et l'autre raison si est pour ce qu'il est plus accoustumé de tenir enseigne que nul des autres ; et je cuyde bien jugier de bailler l'auctorité à l'escuier d'escuyrie quant à ce point ^.

L'escuier a jurisdiction sur ceulx de son escuyrie, et peuvent demander leur renvoy au bureau de toutes matières qui touchent partie à partie. Et pour ce que deux personnes de l'escuyrie seroient ensoignées par plusieurs journées, et ne pourroient estre d'emprès leurs chevaulx, parquoy pourroit advenir que par maladie desroy y fiist, ou qu'aucuns chevaulx se perdroient, et pour ce sont ilz renvoyez à^ l'escuier. Mais si ung homme de l'escuyrie estoit adjourné pour autre cause, et contre ung autre que de l'escuyrie, il seroit tenu de respondre et n'auroit point de rfenvoy; et toutesfois s'il avoit desservi d'estre mis en prison pour quelque cas; on le rendroit à l'escuier chargé de ses fais, s'il le vouloit avoir, et si la matière ne touchoit à rencontre du prince. L'escuier doit porter ï'espée de parement devant le prince à toutes entrées honnourables, soit à piet ou à cheval, et la doit tenir en sa main dextre empoingnée ^ entre la croix et le pommeau ; et doit porter icelle espée couchée sur l'espaule, la pointe dessus, et doit estre l'escuier seul à tout Ï'espée* et la première personne devant le prince. Soubz

1. « Nota qu'il y a guidon à l'estandart comme pennon à la baniere, que jamais à la guerre on ne ployé ; car c'est à quoy et soubs qui les arcbers se conduisent et rallient ; et le gouverne le capitaine des arcbers du prince. » (Note d'Olivier de la Marche.)