Autrichiens

legatos destinavit ut Cleopatram ejm filiam sibi daret in uxorem. Et au senestre estoit escript : Qualiter rex Ptolomeus Ptolomaidam venit et Cleopatram ejus filiam Alexandre régi dédit in uxorem. Primo Mâcha-beorum X"^. Et au dessus estoit escript : Gaudeamus et exultemus et demus gloriam Deo quia venerunt nupde agni et^uxor ejus preparavit se. Apocalipsi XIX^. Et pluiseurs autres menues escriptures desquelles je m'en passe à tant.

La tierche estoit des cantiques de Saloraon et y avoit escript : Vulnerasti cor meum, sponsa mea, et letificasti animam meam; filie^ annunciate dilecta meo quia amore langueo.

La quarte estoit de l'evangille Johannis secundo : Nupcie facte sunt in Chana Galilée^ etc.

La V® estoit encores des cantiques Cantico tertio^ etc. : Pulcra es, arnica mea, suavis et décora; inveni quem diligit anima mea; tenebo eam nec dimittàm.

La VI® estoit devant Saint Donas où il estoit escript : Civitas solis vocabitur una; in die illa erit altare Domini in medio terre et tytulus Domini juxta terminum ejus, Ysaie XW.

La septiesme estoit dessoubz les prisons qui disoit : Moyses postquam diutius obsedisset civitatem Saba, Tarbis filia régis Egypti in eum oculos injecit, quam ipse Moyses postmodum in uxorem duxit. Petrus Gommes-^ toris in historia scolastica.

La vm® estoit devant la halle ou marchié où Jl y avoit une femme tenant plain son geron de lions où il avoit escript : Léo et par dus se mutuo invenerunt et amplexi sunt se ifivicem sub lilio ^ .

i . Allusion aux armes d'Angleterre, de Flandre et de Bourgogne.

La IX* estoit en la fin du marchié vers la court le mariage de Hester, cpii disoit : Assuerus^ rex Persarunij eut Rester formosa omnium ocutis graciosa plan cuitj dncta ad ejus cubiculum dyadema regni eapiti ejtis imposuit, cunctis principibus convivium nuptiarum préparant. Hester secundo.

La X® près de la court disoit : Benedictio super uxorem tuam et super parentes tuos ut videatis filios fiUorum vestrorum usque in terciam et quartam gene^ racionem. Thobie IX^.

Esdictes rues aussi, qui ne fait à oublier, estoient aulcunes maisons en especial décorées de taintures et riches draps, et grans alumeries de torsses, si comme es maisons des Gathelans, des Geciliens, des Lncois et des Portugalois, sur le marchié. Et si estoient sur ledit marchié rengiés lesditz seigneurs de la ville et les seremens, si comme archiers et arbalestriers. Toutes lesdictes rues passées, histoires et seremens, madicte dame vint à ladicte court, à la porte de laquelle estoit faicte nouvellement ung riche ouvrage de fin or, en quoy' sont et demeurent à perpétuel les armes tymbrées de mondit seigneur, environnées des armes de ses pays tenues de deux grans lions, et sa devise desoubz en lettre antique : Je Vay emprins. Et à l'un costé desdictes armes estoit ung archier tyrant vin blanc, et à l'aultre costé estoit ung crennequinier tyrant vin vermeil tout le jour, que le commun recepvoit partant de leur trait. Si entra madicte dame par ladicte porte en l'ostel et tout Testât, et la mist on hors de ladicte lictiere, et l'emmenèrent monseigneur Adotf de Cleves et mondit seigneur de Scalles en chambre 'soy retraire jusques au disner qui fut tost après.

Et devez sçavoir aussi qu'en ladicte court estoit ung pellicao moult riche qui par la poitrine jectoit ypocras.

Madicte dame entrée dedens ledit hostel de mondit seigneur le duc, passèrent pardevant la porte pour monstrer devoir les nacions dont devant est faicte mencion, en Testât qui s'ensieult : premiers les Venissiens.

Les Venissiens estoient eulx dix marchans à cheval, vestus de velours cramoisi, après eulx x serviteurs vestus de drap vermeil, et aloyent devant eulx trois poursievans et cinquante hommes à piet vestus de vermeil, portans chascun une torsse.

Les Florentins faisoient porter devant eulx chinquante et quatre torsses, ceulx qui les portoient tous habilliez de bleu drap, et quatre paiges vestus de pourpoins de drap d'argent cramoisy, mantelines de satin blanc, leurs chevaulx houssiez de satin blanc, bordez de satin bleu. Puis venoient xi marchans, Thommas Portinaire premier, habillié comme conseillier de monseigneur le duc qu'il est, et les x vestus de satin figuré ci:amoisy et pourpoins de satin noir ; après eux xi facteurs vestus de satin simple cramoisi et pourpoins de satin noir, et au derrenier xxmi serviteurs habilliez de bleu, et tous à cheval.

Les Espangnars estoient xxxim marchans à cheval, vestus de damas violet, ayans xxxmi paiges à piet, chascun le sien, vestus lesdiz paiges de pourpoins de satin noir et jacquectes de velours cramoisi. Et faisoient lesditz marchans porter devant eulx soixante torsses, les porteurs vestus de robes de drap violet et vert.

Les Jennevois faisoient chevauchier tout devant la

pucelle et saint Jeorge, vestue ladicte pucelle de damas blanc, son cheval houchté de velours cramoisi, et saint George armé, son cheval couvert de damas blanc à la grande croix de cramoisi. Puis sievoient trois paiges vestus de pourpoins de damas blanc, journades de velours cramoisy. Et si estoient xvm marchans à cheval, vestus de robes de damas blanc, doublées de velours noir, les six longues et les aultres courtes, et les pourpoins de satin noir, et xviii varlets à piet vestus de drap blanc à manche rouge, ung saint Jeorge broudé dessus.

Les Osterlings faisoient porter devant eulx Lxxn torsses, les porteurs vestus de violet, et chevauchoient après six paiges vestus de pourpoins de satin violet et robes de damas violet. Puis sievoient les marchans en nombre de cent et huict à cheval, tous vestus de drap violet.

Et n'est pas à oublier, mais est raison que je die, que tous les prinches, chambellans, gentilzhommes, officiers et serviteurs de mondit seigneur, meismes tous ceulx qui furent à court comptez ou nom, furent du don de mondit seigneur à ladicte feste habilliez comme ils'ensieult. Aussi tous les anchiens serviteurs de feu monseigneur le duc, que Dieu absoille, qui y furent, estoient tous vestus comme les aultres, chascun selon son estât. C'est assavoir les chambellans et princes longues robes de velours noir, pourpoins de velours cramoisi, les gentilzhommes satin noir, pourpoins de damas violet, le conseil velours noir, et tous serviteurs robes de drap noir et violet, et pourpoins de camelot violet.

Ladicte entrée ainsi faicte et la messe chantée en la

chapelle, où riens ne fat fait touchant les nopces, le disner estoit prest en la court et fist on seoir en divers lieux. Premièrement, mondit seigneur le duc disna seul en la sallette prez de ladicte chapelle, soy faisant servir comme il est de coustume.

Et madicte dame, accompagnée de madame la ducesse, mère de mondit seigneur, et mademoiselle de Bourgoingne, desdictes dames d'Engleterre et grant nombre de celles de par deçà, vint en la grande salle faicte nouvelle pour les nopces, en laquelle estoit la haulte table et deux aultres de longueur de Jadicte salle. Cy lava madicte dame et puis fut menée seoir à ladicte haulte table, puis s'assist madicte dame la mère à sa destre et au senestre madicte damoiselle, et oultre madicte dame la mère à dextre madame d'Arguel ; et demourerent droites contre le leson * derrière madicte dame la ducesse une dame d'Engleterre et madame de Scalles. Et à l'une desdictes tables à dextre en entrant s'assirent chinquante deux nobles femmes de par deçà, et vm d'Engleterre à l'autre table seulement. Sy fut servie madicte dame à grant honneur et à grant bruit desdictes trompettes, clarons et menestrelz, par les maistres d'ostel de mondit seigneur et d'elle très honnourablement de moyen service.

En une chambre qui est ordinairement pour monseigneur le bastart furent servis les seigneurs d'Engleterre, les prélats et gens d'église en la gallerie ou gardin, monseigneur le chancellier en ung lieu con dist la bagnerie, et les chambellans et ceulx de la cha-