Siège, petit lit
MÉMomÈs d'olivier de la margbb. 107
pelle en la salle sur le court près de mondit seigneur, en la salle bas les Anglois et les airchiers, et en aultres chambres condme desdis maistres d'ostelz jusques à xn assietes où très plenierement furent servis premiers et derreniers jusques à chincq heures après nonne et plus.
La grant salle dont j'ay fait mencion estoit moult noblement parée ; elle estoit tendue de la tapisserie de Gedeon, qui est, comme pluiseurs scevent, très riche d'or et de soye. Et d'emprès ladicte haulte table estoit ung très hault dressoir fait à trois quarrés con dist losengue, chascune quarré de quinze pies de large et IX degrez de hault en estroicissant jusques à pointe. Sur lesquelz degrez estoit vaisselle d'or et d'argent garnie de riche pierrie, autant qu'il s'i en povoit bouter', et en chascun quarré deux cornes de licorgne dr€lssées comme chierges moult longues. Et sur le sommeron* dudit dressoir faisant la fin, une très grande et très rice couppe d'or; de laquelle vaisselle dicte je m'en passe en brief, pource qu'il m'est impossible de declairier la valeur.
En ladicte salle y avoit pluiseurs chandelers pendus de bois, comme il est d'usage, entre lesquelz il en y aVoit deux merveilleuz qui estoient fais à façon de fort et puissant chasteau assis sur roce, et soubz chascun vers les gens y avoit sept miroirs assis en roze, et lesquelz estoient grans et ronds comme de piet et demi en rondeur. Et là sembloit à regarder en chascun qu'il y eust dix mil hommes, et tournoient lesditz chastiaux si dru con vouloit.
i. Au ôoûimet.
Cedit jour après disner, à six heures ou environ, s'en ala madicte dame à chariot, vestue d'une robe de drap d'or cramoisy, en chapiau d'or sans couronne, à un très riche collier garni de pierrie, et toutes les dames et damoiselles, tant à chariot comme sur haquenées, à ung pas de jouste que commenchoit monseigneur le bastard de Bourgoingne, et qu'il maintint jusques à ce qu'il ot jousté contre xxim chevaliers sur le tiltre de l'arbre d'or ; à laquelle jouste je reviendray pour icelle poursieurre et aultres fais d'armes ensievans en ung traictié à part comment ladicte jouste fut démenée chascun jour et les bancquetz qui s'y firent, qui neantmoins estoient desdictes nopces, mais je m'en passe icy pour abregier l'entrée. Puis aprez le partement de madicte dame partit monseigneur le duc à cheval, vestu d'une robe à longues manches ouvertes jusques en terre, de drap d'or fourré de très fines martres sabelines, et s'en ala à ladicte jouste, laquelle finée pour le jour, retournèrent les seigneurs et dames à court où estoit préparé ung bancquet duquel il me semble honneste d'en faire la declaracion.
Quant il fut temps, monseigneur le duc et madame la du'cesse, mademoiselle et generalment tous les seigneurs et dames vindrent audit bancquet qui se fist en la grant salle moult excellent en la manière que s'ensieult.
A la haulte table y avoit assises six grans navires à façon de grandes naves à trois hunnes ressamblans celles de la mer, faictes et garnies moult richement de toutes choses quelconques qu'à navires telles peult et doit appartenir, où sur chascune ou milieu estoit
MÉMOIRES d'olivier DE LA HARCHE. 109
assis UDg plat de viande, et à chascuti plat embas sur la table y avoit seze sieultes^ sans les entremés, ayant chascune carvelle^, au près d'elle quatre botquins^ plains d'espicerie ou fruiterie. Et au milieu, à chascun service, c'est assavoir entre deux navires, y avoit une grande tour, non pas pareilles les unes aux aultres, si estoient lesditz bateaux et tours representans pays ou ville appartenans à mondit seigneur, portant avec les banieres d'icellui seigneur les banierés et escuçons et le nom par escript ce que representoit.
Item\ à chascune longue table dont il en y avoit deux en ladicte salle dont j'ay fait mencion au fait du disner, y avoit xii desdictes navires et douze tours pareilles à ceulx dessusditz ; ainsy en y avoit xxx nefs en somme et xxx tours. Si debvez sçavoir qu'avec lesditz pays que lesditz navires representoient dont chascun scet les noms, il y avoit Bethune, Signy, Ostervant, Faulquemont, Aussonne, Ponthieu, CharoUois, Aussous^, Boulongne, Mascom, Alost, Arbrele le Grande, le Leyde, la Brielle, Courtray, Dourdrecht, Douay, Herlem, Audenarde, Bruges, Lille, Mons, Bois le Duc, Gand, Dijon, Brouxelles, Louvain, Anvers, Roterdam, Midelbourg, l'Escluse, Aaras, Valenchienne, Trecht, Saint Omer, Aellremare, Austredam, Yppre et Delst. Ce sont les lieux qui estoient nommez esdits navires et carvelles.
1. Sieute, se dit parfois des différentes pièces d'un service ou d'une parure, lorsqu'elles sont de même façon.
