Deux mots omis dans les éditions précédentes

valliers, monseigneur de Ternant l et messire Tristan deThoulonjon, pouradextrer ladicte bergiere, laquelle bergiere tenoit en sa main une grande bannière de Bourgoingne ; et quant ledit lyon entra parmy la salle, il commença à ouvrir la gorge et à la reclorre, par si bonne façon qu'il prononçoit ce que cy après est escript. Et commença ledit lyon à chanter une chanson faicte à ce propos, à teneur et dessus, qui disoit ainsi :

Bien viegne la belle bergiere De qui la beaulté et manière Nous rend soûlas et espérance !

Bien viegne l'espoir et fiance De ceste seigneurie entière !

Bien devons celle tenir chiere, Qui nous est garand et frontière Contre dangier, et tant qu'il pense.

Bien viegne !

C'est la sourse, c'est la minière De nostre force grande et fiere ; C'est nostre paix et asseurance.

Dieu louons de telle alliance, Cryons, chantons à lie chiere :

Bien viegne !

« En chantant ceste chanson, fit ledit lyon son tour parmy la salle ; et quant il fut devant madame la duchesse à présent2, ledit maistre d'hostel, qui avoit fait présent de la marguerite, s'adgenoilla devant madicte dame la duchesse nouvelle, et dist les parolles qui s'ensuyvent :

« Ma très rebdoutée dame, les pays dont aujour- « d'huy par la grâce de Dieu vous estes dame sont