Compassée

l'echarguette, sonna un cornet moult hault ; et, après le cornet sonné, ladicte guette fit semblant de faire son guet, comme on a accoustumé de faire en tel cas ; et après qu'il eut longuement regardé autour de luy, il vit1 les tentes et pavillons qui autour de luy estoient; il tint manière d'esbaïssement, et comme s'il eust esté assiégé en icelle tour; mais à bien regarder il les congneust, et congneut que c'estoient villes pour son ayde, et non pas pour sa nuysance. Si se commença à resjouir ; et appella ses trompettes, qu'ilz vinssent faire une sonnade devant la compaignie ; et prestement se ouvrirent quatre fenestres au plus hault de la tour, et de chascune fenestre saillit ung gros sanglier, à tout trompettes, à grans bannières de monseigneur de Bourgoingne, et sonnèrent une longue basture; et certes ce fut ung estrange personnaige à veoir ; et puis s'en retournèrent lesditz sangliers, et par ce furent lesdictes fenestres closes.

« Assez tost après recommença ladicte guette son propoz, et pour mieulx festoyer la compaignie, demanda ses haultz menestriers ; et tantost furent les quatre fenestres ouvertes, et par là saillirent trois chèvres et ung bouc, moult bien et vivement faictz. Le bouc jouoit d'une trompette saicqueboute 2, et les trois chèvres jouoient de schalmayes3; et en celle manière jouèrent ung motet, et puis s'en retournèrent comme ilz estoient venuz.

« Pour la tierce fois commença la guette son pro-