Des chevaux
l'Arbre d'or, son cheval couvert de velours tanné, à grans barbacannes de fil d'or en brodure, et lettres de mesmes, à sa devise ; et d'icelles barbacannes yssoient flammes de feu. Si furent les lances baillées et l'orloge mise en son cours ; et avoit apparence que la jouste eust esté bien joustée, et la demye heure bien employée; mais il n'y eust guieres couru, que l'arrest de messire Jehan de Lucembourg fut rompu par tel meschief qu'il n'y eust nul moyen de y remédier; parquoy ledit messire Jehan, du consentement de mondit seigneur le bastard, se partit sans achever son emprinse.
« Tantost après se présenta monseigneur d'Arguel, filz de monseigneur le prince d'Oranges, et nepveur de monseigneur le duc de Bretaigne1. Il avoit six nobles hommes qui alloient devant luy, vestuz et harnachez leurs chevaulx, de velours, très honnestement ; et estoient leurs harnois de chevaux semez de grosses campannes d'argent. Son cheval estoit couvert d'ung riche drap d'argent violet. Il avoit trois paiges avecques luy, sur trois chevaulx couvers. Les paiges estoient vestuz de paletoz de velours vert, et le premier cheval estoit couvert de velours cramoisy, le second, de velours violet , et le tiers, de velours bleu, chargez de campannes d'argent, et portoit son escu my party de blanc et de vert.
« Mondit seigneur le bastard se présenta sur un destrier couvert de drap damas blanc, à grosses larmes d'or en brodure ; et, pour dire la vérité, ilz emploierent celle demie heure moult bien et honnorablement, rom-
1. Sa mère, Catherine, était sœur du duc François II de Bretagne.
pirent plusieurs lances, et firent plusieurs grandes attaintes, non comptées par les juges pour les raisons cy dessus escriptes ; mais toutes voyes en celle demie heure ils rompirent chascun treze lances deuement rompues; et pour ce que le nombre fut pareil, fut jugé que l'ung ni l'aultre ne debvoit point de verge; et après la demye heure coururent les planchons, sans faire attainte qui à ramentevoir face.
« Pour le derrenier d'icelluy jour se présenta messire Anthoine de Hallewin, ung noble chevallier ilamang. Son cheval estoit couvert de velours noir, broudé et semé de fil d'or ; et me sembloient roses eslevées, et d'icelles roses yssoyent grosses campannes d'argent. La bordure d'icelle housseure estoit de grandes lettres de fil d'or, c'est assavoir A et I, lassez ensemble. 11 avoit trois chevaulx cou vers après luy, et dessus trois paiges vestuz d'orfavrerie. Le premier cheval estoit couvert de drap d'or gris, le second, d'orfavrerie blanche, à gros boulions d'argent , et le tiers, de velours cramoisy, à une grant bordure de drap d'argent.
« Tost après se présenta le chevallier à l'Arbre d'or. Son cheval estoit couvert d'ung drap d'argent cramoisy, brodé d'orfavrerie dorée très richement ; et ne rompit celle demye heure que trois lances, et ledit messire Anthoine de Hallewin en rompit cinq; parquoy audit de Hallewin fut adjugée la verge d'or. Puis coururent la course du planchon, comme il estoit de coustume ; et ainsi se passa celle journée jusques à l'heure du soupper, que le bancquet fut appareillé en la grant salle, à telles tables comme le jour devant, ainsi que cy après orrez.
« Gelluy mardi fut faict le troisiesme bancquet, et lurent tous couvers les platz de grandes tentes de soye, richement peinctes et estoffées d'or et d'argent diversement ; et pareillement furent les pastez couvers de pavillons, et pardessus lesdictes tentes et pavillons avoit bannières des armes de mondit seigneur de Bourgoingne ; et par les goutieres avoit escript, d'or et d'argent, le mot de mondit seigneur et celluy de madame , dont le mot de mondit seigneur estoit : « Je l'ay emprins, » et celuy de madame : « Bien en advienne ; » et par dessus chascune tente et chascun pavillon avoit escript en ung rollet le nom d'une ville close, subgecte à mondit seigneur ; parquoy furent monstrées à celle fois soixante villes closes subgectes, oultre et par dessus les trante du premier bancquet.
« Item, sur chascun pasté avoit deux marmosetz d'or et d'azur, et vestuz de soye, qui tenoient manière d'effondrer lesditz pastez de divers ostilz ; les ungs de hoyaulx, les aultres de massues, les aultres de besches ; et chascun faisoit diverses contenances. Et au surplus fut le bancquet grant et plantureux, et bien forny.
« Et au millieu de la salle avoit une tour aussi haulte que la salle, faicte au propos et au patron de la grosse tour que fit commencer monseigneur le duc Charles, luy estant conle de Gharrolois, en sa ville de Gorguan1, en Hollande ; et certes celle tour fut moult richement faicte et bien accomplie2, et toute paincte d'or, d'azur et d'argent ; et tantost après que la seignorie fut assise à table, une guette estant au dessus d'icelle tour, en
