Estoyent

G. « Avoyent. »

« ceste part en la conduicte de ladicte damoiselle errant, « et, pour sa première et bonne adventure, il a trouvé « la noble emprinse du chevallier à l'Arbre d'or et le « pas encommencé; parquoy il supplie à vous, très « haulte et très puissante princesse, [et] à vous aultres « princesses, dames et damoiselles, qu'il vous plaise « de vostre grâce impetrer licence du très excellant, « très hault et très victorieulx prince monseigneur le « duc de Bourgoingne et de Brabant, que ledit chevalet lier esclave puisse courre à ceste noble emprinse et « faire son debvoir, et luy donner lieu et heure pour « ce faire, et le avoir pour recommandé; et aultre « chose n'escript ledit chevallier, qui prie à Dieu qu'il « vous doint ce que desirez, ensemble bonne vie et « longue.

« Vostre très humble et très obéissant serviteur,

« Le Chevallier esclave. »

« Le seigneur de Monnet entra dedans la lice et faisoit mener devant luy ung sommier, portant deux paniers couvers d'une couverte de velours bleu, broudé à grandes lettres de fil d'or à sa devise ; et dessus avoit trois personnaiges de Mores, qui jouoient de divers instrumens. Après icelluy sommier venoit une damoiselle habillée estrangement, et comme une damoiselle errant , laquelle estoit montée sur une haquenée blanche couverte de drap d'or cramoisy, et tenoit manière de mener et conduire ledit chevallier. Après venoit le chevallier sur ung destrier couvert de velours noir, brodé en croisée d'orfavrerie dorée par dessus. Il avoit après luy quatre nobles hommes à cheval, habillez de soye, les robes et les chappeaulx à

la façon d'Esclavonnie ; et sur leurs robes avoit escript en grandes lettres d'or : le chevalier esclave ; et pareillement luy mesme estoit habillé sur son harnois. Hz avoient longues barbes, et portoient en leurs mains grans javelotz empennez et ferrez d'or très nouvellement. Certes son entrée et manière de faire fut très plaisante.

« En telle ordonnance fit le chevalier esclave son tour parmy la lice ; et tantost après se présenta le chevalier à l'Arbre d'or, son cheval couvert d'une couverte de drap d'or cramoisy, brodée d'armines ; mais ainsi avint de leur aventure que le chevalier esclave se trouva mal armé de sa veue, et luy fut advis qu'il courroit sans asseoir, et pourroit faire perdre le temps aux aultres coureurs sans grant fruict; parquoy il requit à mondit seigneur le bastard qu'il s'en puist aller et estre quitte de son emprinse. Laquelle chose luy fut accordée.

« Le second qui se présenta pour icelluy jour fut monseigneur Jaques de Lucembourg, seigneur de Richebourg, frère de monseigneur de Saint Pol, connestable de France ; et devant luy alloient, pour l'accompaigner, le conte d'Escalles et messire Jehan d'Oudeville 4, frères2, tous deux frères de la Royne d'Angleterre, monseigneur de Roussy, monseigneur de Fiennes et messire Jehan de Lucembourg, et tous cinq nepveurs dudit messire Jacques. Pareillement le accompaignoient monseigneur de Renty3 et le marquis de Ferrare, tous richement montez et vestuz. Son cheval estoit