Philippe de Croy, seigneur d'Arschot et de Renty

160 MÉMOIRES D'OLrVIER DE LA MARCHE.

housse de drap bleu, à une grant bordure de drap d'argent cramoisy, et son escu de mesmes. Il avoit six chevaulx de parure après luy dont le premier estoit couvert de velours cramoisy, à une grant bordure d'armines, et par dessus le cramoisy avoit gros chardons d'orfavrerie dorée, eslevez et moult bien apparens sur la housseure. Le second fut couvert de velours bleu, à grans lettres de brodure de sa devise, et fut frangé d'or. Le tiers estoit couvert de velours noir, à grandes lettres de brodure comme le premier, et semé de grandes campannes d'argent. Le quart, de satin violet semé de grans chardons d'orfavrerie à grans feuilles de mesmes; et estoit celle couverture bordée de velours noir, ladicte bordure semée de larmes d'or. Ses paiges estoient vestuz de satin blanc, à lettres de brodure de sa devise. Et après iceulx paiges venoit ung varlet vestu de mesmes, sur ung cheval couvert de drap damas blanc, violet et noir, semé de brodures de lettres d'or à sa devise, et par dessus chargié de grosses campannes d'argent. Ledit varlet menoit ung destrier en main, couvert de drap d'or violet ; et en celluy estât fit son tour devant les dames, par devant l'Arbre d'or et par devant les juges, puis print son reng au bout de la toille.

« Monseigneur le bastard de Bourgoingne se présenta à l'Arbre d'or, pouricelluy deffendre, sur ung cheval couvert de velours bleu ; et sur la croup pe de son cheval avoit ung gros rabot d'argent eslevé, et toute la couverte estoit semée moult espessement de grans rabotures d'argent eslevées ; et certes la couverture me sembla merveilleusement belle et riche. Les deux chevaliers coururent leur demye heure, et gaigna mon-

dit seigneur Jaques de Sainct Pol la verge d'or, pour ce qu'il rompit sept lances, et monseigneur le bastard n'en rompit que six.

« Le troiziesme qui se présenta pour celluy jour fut messire Philippe de Poitiers, seigneur de la Ferté, fils du seigneur d'Arcy. Gestuy chevalier se fit amener sur les rens par une belle fille qui se nommoit la dame Blanche. Elle estoit en cheveulx, moult gentement mise empoint, et fut vestue de satin blanc ; et, à la vérité, elle estoit belle et valoit bien estre regardée. Elle estoit montée sur ung cheval tout arminé de son poil naturellement. Ledit cheval estoit couvert d'ung délié volet, qui ne gardoit point qu'on ne veist lesdictes armines et le cheval parmy. A dextre d'elle venoitle chevallier, sur ung cheval couvert d'une courte couverte, en manière de harnachure de satin cramoisy, frangé de franges d'or ; et fut ladicte couverte toute chargée de grosses campannes d'argent, à façon de campannes de vache. Il avoit deux paiges après luy, vestus de cappes de satin violet ; dont le cheval du premier estoit couvert de velours noir, à une croisure de velours cramoisy, et le second estoit couvert de drap d'or bleu ; et en cest estât vint le chevalier devant les dames, ausquelles ladicte dame Blanche présenta unes lettres où estoit escript ce qui s'ensuyt :

Très redoutée, excellante princesse, Droit cy m'envoye envers vostre noblesse Une moult noble et gracieuse dame ; Et m'a requis que devers vous j'adresse Le chevalier, pour croistre sa prouesse-, Lequel aussi elle advoue et confesse Son serviteur, et seul de ce royaulme.

Nommer se faict par nom la dame Blanche. Or elle a eu naguaires congnoissance De cestuy pas, qui est de noble usance, Et du perron à l'Arbre d'or très riche. Dont, pour accroistre en gloire et en vaillance Le chevalier, qui là brandit sa lance, Son serviteur, l'y offre d'amour franche, Pour le servir en tout humble service.

« Le chevallier à l'Arbre d'or se présenta sur ung cheval couvert de velours noir, à grant fuaillages d'orfa vrerie blanche branlant. Les deux chevalliers coururent moult durement l'ung contre l'aultre, et gaigna ledit messire Philippe de Poitiers la verge d'or, pour ce qu'il rompit dix lances, et monseigneur le bastard n'en rompit que neuf.

« Le dernier qui se présenta pour celluy jour fut messire Claude de Vauldrey, ung josne chevalier bourguignon. Les nobles hommes qui le accompagnoient avoient mantelines de satin vert par devant, et de violet par derrière. Son cheval estoit couvert de velours myparty de violet et de vert, semée sa houssure en brodure de coquilles d'or, et parmy de grosses campannes d'argent. Tantost se présenta mondit seigneur le bastard sur un cheval couvert de drap d'or cramoisy, à une bordure decoppée de crethé blanc. Mondit seigneur le bastard gaigna la verge d'or, pour ce qu'il rompit plus de lances que ledit messire Claude de Vauldrey; et ainsi se passa celle journée, car, comme j'ay dit dessus, on ne mangeoit point de char, ains on mangeoit poisson ; et à celle cause n'y eust nulle assemblée.

« Le jeudi cinquiesme jour de celle feste, fut faict le disné par chambres et par salles, ainsi que l'on avoit

accoustumé, et après le disné l'on se tira sur les rens pour veoir les joustes ; et là se présenta, en la manière accoustumée, le conte de Saulmes, un conte d'Allemaigne, chambellan de monseigneur le duc de Bourgoingne ; et devant luy venoient cinq nobles hommes vestuz de journades1 de damas violet et noir; etestoit son cheval couvert d'ung drap d'or bleu; son escu estoit violet, à deux lettres d'or de sa devise ; et sur son heaulme, en manière de bannerolle, portoit ung atour de dame ; il avoit après luy un cheval seullement, couvert d'une couverture de velours en couleur de pourpre, et estoit la couverture toute semée de grosses campannes d'argent, à façon de campannes de vache ; et dessus le cheval avoit ung petit paige très gentement empoint.

« A l'encontre dudit conte de Saulmes se présenta le chevalier de l'Arbre d'or, sur ung cheval couvert de satin cramoisy ; et par dessus avoit à grant foison de gorgerins d'argent eslevez, moult bien faictz; et en celle demye heure gaigna le conte de Saulmes la verge d'or, car il rompit sept lances, et mondit seigneur le bastard n'en rompit que cinq.

« Après le conte de Saulmes vint messire Baudouyn, bastard de Bourgoingne. Il avoit devant luy quatre nobles hommes vestuz de velours bleu, en journades. Lesdictes journades estoient brodées pardevant de hoppes a façon de plumas, qui estoit la devise dudit messire Baudouyn, et par derrière de deux W couplés ensemble, tenans à ung bâton dessus et un aultre dessoubz, l'ung des bastons d'or et l'aultre d'argent. Il