Choc, lutte, coup fortement asséné
cocq, eust le pris de ceulx de dehors. Et pour ce que c'est chose commune de jouster à la foulle , je n'en fay aultre relacion.
« Le mardy , dixiesme et derrenier jour de celle feste, fut la grande salle parée en tel estât comme le premier jour des nopces, excepté du grant buffet, qui estoit au milieu de la salle. Les trois grandes tables y furent dressées et couvertes, et fut assis mondit seigneur de Bourgoingne au millieu de la haulte table ; et à sa main dextre estoit assis monseigneur le légat, et puis l'evesque de Verdun, puis monseigneur l'evesque de Mets. Et à la main senestre estoit monseigneur de Ravestain, et après luy monseigneur d'Escalles. La table de la dextre main estoit toute plaine de barons, chevalliers et nobles hommes angioix; et celle du senextre costé pareillement des gens del'hostelde monseigneur.
« Au milieu d'icelle salle avoit trois tables dressées, mises du long. En la première estoient assis huissiers et sergens d'armes ; en l'aultre, roys d'armes et heraulx , et en la tierce, trompettes et menestriers ; et au regard du service, il fut grant et solempnel, et de plus en plus en multiplicacion de platz et de viandes. Et sur la fin du disner se levèrent roys d'armes et heraulx, et vestirent leurs cottes d'armes, et puis prindrent deux roys d'armes ung baston , et le misrent sur leurs espaules; et sur icelluy baston portoient les deux roys d'armes un grant sac plain d'argent, et vindrent crier devant la personne de monseigneur le duc : « Largesse! » comme il est de coustume, et pareillement es deux boutz de la haulte table ; et puis s'en allèrent parmy la salle, et trompettes et clairons sonnèrent, tellement que tout retentissoit.
« Après les tables levées et grâces dictes, tandis qu'on alla quérir les espices, vindrent les officiers d'armes de sa maison devant luy ; et là publicquement il changea les noms de plusieurs, et fît, de heraulx, roys d'armes et mareschaulx, et, de poursuivans, heraulx; et de nouveaulx poursuivans baptisa il, comme il est de coustume. Et ainsi se passa la solempnité et le triumphe d'icelle feste ; car landemain1, pour une affaire qui survint à mondit seigneur au pays de Hollande, il se tira celle part, et print congié de la duchesse de Nolfolck et des aultres seigneurs et dames d'Angleterre, et leur donna dons, chascun selon sa qualité, et aux nobles hommes et aux dames. Et à tant se taist le compte de ceste noble feste, et ne say pour le présent chose digne de vous escripre, fors que je suis le vostre. »
