I. Mol omis dans les éditions précédentes

voit les aellerons, le corps et la quehue par si bonne façon que se sembloit chose vive; et en celle ordonnance marcha parmy la salle, au son de trompettes et de clairons, jusques à tant qu'elle eust fait ung tour parmy la salle, et qu'elle fust retournée devant la table où mangeoit monseigneur et la plus grant seigneurie ; et prestement ouvrit ladicte balaine la gorge, qui estoit moult grande, et tantost en saillit deux seraines, ayant pignes et mirouers à leurs mains, qui commencèrent une chanson estrange emmy la place ; et au son de celle chanson saillirent l'ung après l'aultre, en manière de morisque, jusqu'au nombre de douze chevaliers de mer, ayans en l'une des mains talloches, et en l'aultre bastons deflensables. Et tantost après commença un tabourin à jouer dedans le ventre de la balaine, et à tant cessèrent les seraines déchanter, et commencèrent à danser avecques les chevaliers de mer ; mais entre eux se meust une amoureuse jalousie, tellement que le débat et tournoy commença entre les chevalliers, qui dura assez longuement ; mais les geans, à tout leurs grans bastons, les vindrent deppartir, et les rechasserent dedans le ventre de la balaine, et pareillement les seraines, et puis recloyt la balaine la gorge, et en la conduicte des deux geans reprint son chemin, pour s'en retourner par où elle estoit venue. Et certes ce fut un moult bel entremectz ; car il y avoit dedans plus de quarante personnes. Sur ce point furent les tables levées et commencèrent les danses.

« Et tantost après, pour ce qu'il estoit tard, les roys d'armes et les heraulxse mirent en laquestepour sçavoir à qui le pris seroit donné. A quoy il y eut de grandes

différences ; car le chaplis ! des espées avoit esté grant et bien combatu, et s'y estoyent tant de grans et bons personnaiges si bien monstrez, que, à la vérité, on ne sçavoit à qui donner le pris. Les dames, toutes d'un accord, disoient que monseigneur de Bourgoingne le debvoit avoir, pour ce qu'il s'estoit moult bien esprouvé à celluy tournoy, et consideroient en oultre qu'il avoit ce jour très rudement jousté ; parquoy, mis ensemble le tournoy et la jouste, leur advis estoit tel que dit est. Mais mondit seigneur ne le voulut accepter ; et, pour finale conclusion, fut advisé que messire Jehan d'Oudeville, frère de la Royne d'Angleterre, auroit le pris, et fut faict pour trois raisons. La première, pour ce qu'il estoit estrangier, et que aux estrangiers, en toutes nobles maisons, doit on faire honneur. La seconde, pour ce qu'il estoit bel et josne chevallier, et aux jeunes gens doit on donner couraige de persévérer en bien faire ; et la tierce raison, pour ce que, tant à la jouste qu'au tournoy, il s'estoit bien et honnorablement acquitté. Si luy fut présenté le pris par une des dames de pardeçà et par une aultre d'Angleterre, des plus grandes et des meilleures maisons, comme il est de coustume en tel cas.

« Monseigneur d'Arguel, qui avoit eu le pris de la jouste, vint requérir à monseigneur qu'il puist faire crier une jouste au lendemain ; et se accompaigna de plusieurs nobles hommes aprins du mestier. Laquelle jouste fut merveilleusement bien joustée, et de bon bois ; et gaigna mondit seigneur d'Arguel le pris de ccuix de dedans ; et ung josne escuyer, nommé Bille-