Claude île Neufcbàtel, seigneur du Fay

Henry ne pou voit fournir à sa promesse, car la coustume de Montbeliart est telle, que plus tost verroient les souldoyers coupper la teste à leur seigneur, que de rendre une telle place ; mais la gardent jusques au derrenier des seigneurs qui demeure en vie. Et ainsi nous en revinsmes sans riens faire.

En ce temps ' mourut le duc Nycolas , filz et seul héritier de monseigneur Jehan de Calabre ; et au regart du duc, il vouloit bien dissimuler le temps avecques le duc Nycolas ; mais au duc Régnier 2, filz du conte de Vaudemont, à qui l'heritaige venoit, il ne se povoit accorder ne dissimuler; et quant le duc Nycolas fut trespassé, le duc de Bourgoingne entra au pays à main forte, et se fict duc de Lorraine, soubz la querelle que les Lorrains l'avoient habandonné devant Nuz, à son grant besoing; et si bien exploicta qu'il chassa le duc Régnier hors du pays, et gaigna tout le pays de Lorraine en peu de temps ; et se tint Nancy , qui assez tost parlementa, et fut rendue par appoinctement 3. Et ainsi en une saison, ou bien près, il se fît duc de Gueldres et de Lorraine, et y establit messire Jehan de Rubempré pour gouverneur de Lorraine, et y laissa bonne garnison, et principallement d'Angloix ; et de là s'en alla en Bourgoingne. Et est vray que grans languaiges estoient tenuz du josne duc de Savoye et de madame Marie, fille du duc de Bourgoingne.

1. 27 juillet 1473 (D. Galmet, Hist. de Lorraine, lre édit., t. II, col. 898).