CHAPITRE VI

Comment les Suisses desconfirent le duc Charles de Bourgongne par deux fois.

En ce temps le conte Amé de Romont 4 rua jus certain nombre de chariotz appertenans aux Suisses, lesquelx prirent mal en gré d'avoir esté pillez par le conte de Romont, et se misrent sus à grosse puissance ; et le duc de Bourgoingne vint au secours dudit de Romont, et print aucungs Suisses qui estaient pour garder la place de Granson, appertenant au prince d'Oranges 2 ; lesquelx Suisses le duc de Bourgoingne fit pendre et estrangler3; et desiroit moult le duc de trouver les aultres aux champs et de les combatre; et pour leur donner amorse de venir, il envoya ses archiers de corps dedans le chastel de Vaumarcou 4 ; et le duc de Bourgoingne lendemain 5 amena son armée pour secourir ses archiers de corps, et y eut grosse escarmouche, et fut le duc, et ses gens, rebouté ; et à celle escarmouche mourut Pierre de Lignan, qui estoit ung moult vaillant escuyer. Là mourut le seigneur de Ghasteauguyon, le seigneur du Mont Sainct Sorlin0,

1. Non pas Amé, mais Jacques de Savoie, comte de Romont et baron de Vaud, frère du duc Amédée IX.

2. Ou plutôt à son oncle, le seigneur de Châteauguyon, d'après Commines, liv. V, ch. i (Voy. aussi Gollut, col. 1289, note 4).

3. La ville de Granson fut prise le 28 février 1476 (n. st.l, et le château se rendit le lendemain.