Quentin dp la Baume

Jehan de Lalain, Loys Raulin, seigneur de Prusely, et plusieurs aultres gentilz personnaiges. Et, fin de compte, le duc de Bourgoingne perdit celle journée, et fut rebouté jusques à Joingne4, où il se saulva et garantit ; et est raison que je die comment et par quelle manière se saulverent les archiers de corps du duc, après la bataille desconfite. Le cappitaine d'iceulx archiers estoit ung josne escuyer nommé George de Rosimboz, et2 quant il veit la bataille perdue pour nous, il parla aux archiers et leur dit : « Vous voyez l'incon- « veniant qui nous est advenu, et le dangier où nous « sommes. Je seroye d'oppinion qu'encoires en nuict, « à l'heure qu'il fera la plus grande nuict, et que les « ennemis seront le plus endormis, que nous saillions « tous ensemble l'espée au poing, et passions parmy « l'ost; car il est l'heure de garantir noz vies. » Tous s'accordèrent au conseil de leur cappitaine, excepté ung qui estoit blessé. Se partirent tous ensemble du chasteau, ainsi qu'il avoit esté conclud, et fut leur fortune si bonne qu'ils passèrent franchement, et toute nuict chevaulcherent, et se vindrent rendre à Salins, où je les viz arriver ; car je ne fuz point à la journée, à cause d'une maladie que j'avoye. De Joingne le duc tira à Noseret3; et devez savoir4 que le duc estoit bien triste et bien melancholieux d'avoir perdu celle journée, où ses riches bagues furent pillées et son armée

1. Jougne, seigneurie appartenant alors, comme celle de Granson, à la maison de Ghalon.

2. « Après la bataille déconfite, le cappitaine d'iceulx archers, qui estoit... Rosimboz, quant... »