MÉMOIRES D'OLIVIER DE LA MARCHE. 'ZM

et demeurant entièrement aux seigneurs d'icelles.

« Et aussi est traictié et accordé, pour plus ample declaracion, que les terres et seignories de la Fere, Chasteller, Vandeul et Saint Lambert, deppendans de la conté de Marie, demourront au Roy en obéissance, pour y prendre tailles, aides et tous aultres drois, comme es aultres terres de son obéissance, la seignorie et revenue d'icelles demourant à monseigneur le conte de Marie.

« Et pareillement les chasteaulx, villes, terres, chastellenies et seignories de Marie, Gercy, Moncornet, Saint Gobain et Assix, demourront à mondit seigneur de Bourgoingne en obéissance, pour y prandre tailles, aides et tous aultres droiz dessusditz, la seigneurie et revenue demourant au conte de Marie, selon le contenu de l'article précèdent.

« Et aussi esdictes présentes tresves, seur estât et abstinance de guerre, en tant qu'il touche les articles decommunicacion, hantise, retour et joyssance de biens, ne seront comprins messire Bauldoyn, soy disant bastard de Bourgoingne, le seigneur de Renty d, messire Jehan de Chassa2 et messire Philippe de Gommines ; ains en seront et demeurront du tout exceptez et fbrcloz.

« Item, se aulcune chose estoit f'aicte ou attemptée