c Par cv devant a dans lo toxto d'Olivier <lo lu Marche

leurs personnes ou par leurs procureurs en la main du bailli ou son lieutenant, soubz qui seront lesdits bénéfices, places, terres, seignories et biens immeubles, de non traictier ou pourchasser d'iceulx quelzconques choses préjudiciables ou party où ilz seront. Et les seigneurs d'un party ausquelz appartiennent places estans es frontières de l'aultre party, bailleront leurs seellés de non en faire guerre au party où elles sont ; et, en recevant la délivrance d'icelles, promettront, jureront et bailleront leurs seellez de non en faire guerre au party où elles sont, et que, ceste dicte tresve expirée, les délaisseront en la playne obéissance dudit parti où elles sont. Touteffois, pour aulcunes causes et consideracions, le Roy est content que la place de Rambure soit entièrement baillée et délivrée au seigneur d'icelle, sans y mettre aultre cappitaine ou garde, pourveu qu'il fera serement, et aussi baillera son seellé, en la main de cellui qui luy fera ladicte restitucion, que, durant ceste présente tresve, ne après icelle finie, il ne fera ne pourchassera chose préjudiciable au Roy, ne à ses pays et seigneuries ou terres, ne aussi à mondit seigneur de Bourgoingne, ses pays ou seigneuries, et ne mettra garnison en icelle place qui porte ou face dommaige à l'une ou à l'aultre des parties.

« Et quant aux places et forteresses de Beaulieu et Vervin, mondit seigneur de Bourgoingne consant que, en lui faisant la délivrance réelle des villes et bailliage de Saint Quantin et des places dont traictié est fait entre le Roy et luy, les forteresses desdits lieux soient abatues, la revenue et seigneurie revenant