M MEMOIRES D OLIVIER DE LA MARCHE

nois et places à l'environ, monseigneur de Clessy1, gouverneur dudit Masconnois; pour le pays et conté d'Auxerre et places à l'environ, messire Tristan de Tholonjon; gouverneur dudit Auxerre; pour la ville et chastellenie de Bar sur Seine et places à l'environ, le seigneur d'Eschannez 2 ; pour la mer de Flandres, messire Josse de Lalaing, admirai ; pour la merde Hollande, Zellande, Artois et Boulenois, monseigneur le conte de Bouchamp 3, admirai esditz lieux.

« Item, s'il advenoit que, pendant et durant le temps de ladicte tresve, aulcuns des conservateurs, nommez d'une part et d'aultre, alassent de vie à trèspas, en ce cas le Roy, de sa part, et mondit seigneur de Bourgoingne, de la sienne, seront tenuz nommer, commettre et establir aultres conservateurs, qui auront tel et semblable povoir comme les precedans , et le signiffier aux conservateurs prouchains, affin qu'aulcun n'en puisse prétendre cause d'ignorance.

« Item, lesquelz conservateurs particuliers, qui ainsi seront commis pour la part du Roy et pour la part de mondit seigneur de Bourgoingne, ou leurs subrogués ou commis, s'ilz avoient légitime excusacion de non y vacquer en personne, c'est assavoir les deux de chascune marche pour les deux costez, seront tenuz d'eulx assembler chascune sepmaine le jour de mardi, une fois es lymites du Roy, et autreffois es lymites de mondit seigneur de Bourgoingne, es lieux propices et convenables qu'ilz adviseront, pour communiquer illec de toutes les plaintes et doléances qui seront surve-