Wolfart de Borselle, comte de Boucquam

nues d'ung costé et d'aultre touchant lesdictes tresves, et prestement en appoinctier et faire reparacion, ainsi qu'il appartient. Et s'il advenoit que, pour aulcune grande matière, il y eust difficultey entre eulx, dont ilz ne se puissent appoinctier, ilz seront tenuz de signiffier et faire sçavoir incontinant, c'est assavoir les conservateurs de la part du Roy pour les

marches de par deçà , à et des marches de

Bourgoingneà , et les conservateurs de la part de

mondit seigneur de Bourgoingne es marches de pardeçà, à monseigneur le chancellier et gens du conseil de mondit seigneur de Bourgoingne, et, es marches de Bourgoingne, à mondit seigneur le mareschal et aux gens du conseil estans à Dijon, la qualité desdictes plaintes, et ce qu'ilz en auront trouvé; lesquelz seront tenuz incontinant, et le plus brief que faire se pourra, après ladicte signifficacion, wider et décider lesdictes plainctes et doléances , et faire jugement et décision telz que en leurs consciences ilz adviseront estre à faire.

« Item, et ou cas que, à cause desdictes difficultez lesdits conservateurs renveroient lesdictes plainctes ainsi que dit est, et s'il y a personne empeschée, lesdits conservateurs les pourveiront d'eslargissement. Et s'il advenoit que aulcuns desdits conservateurs se voulsissent excuser d'entendre esdictes reparacions, maintenans et pretendans lesdictes infractions non estre advenues en leurs limites, ilz seront en ce cas tenuz le signiffier au conservateur es lymites duquel ilz maintiendront lesdictes infractions estre advenues ; lequel conservateur, ou cas qu'il ne vouldra entreprendre la charge d'entendre seul sur ladicte reparacion, sera tenu desoy in \'ô