Ç> MÉMOIRES D'OLIVIER DE LA MARCHE
assembler avec l'aultre conservateur qui luy aura fait ou fait faire ladicte signifficacion, pour ensamble, avec le conservateur ou conservateurs de l'aultre cousté, besoingnier esdictes reparacions par la manière dessusdicte.
« Item, et seront les jugemens que feront lesdits conservateurs d'une part et d'aultre, exécutez reaiment et de fait ; et à ce seront contraintz les subgetz d'une part et d'aultre, nonobstant opposicions ou appellacions quelconques, et sans ce que les condempnez puissent avoir ou obtenir aulcuns remèdes au contraire, en quelque manière que ce soit.
« Item, en ceste présente tresve sont comprins les aliez d'une part et d'aultre cy après nommez, se comprins y vueillent estre; c'est assavoir, pour la part du Roy : très haulx et très puissans princes le Roy de Gastille et de Léon, le Roy d'Escosse, le Roy de Dannemarche, le Roy de Jérusalem et de Gecille, le Roy de Hongrye, le duc de Savoye, le duc de Lorraine, l'evesque de Metz, la seignourie et communaulté de Florance, la seignorie et communaulté de Berne, et leurs aliez, qui furent comprins en la tresve précédant faicte en l'an mil quatre cens soixante et douze, et non aultres; ceulx de la ligue de la Haulte Alemaigne, et ceulx du pays de Liège qui se sont declairez pour le Roy et retrais en son obéissance ; lesquelz aliez seront tenuz de faire leur declaracion s'ilz vouldront estre comprins en ladicte tresve, et icelle signiffier à mondit seigneur de Bourgoingne, dedans le premier jour de janvier prouchain venant. Et, pour la part de mondit seigneur de Bourgoingne, y seront comprins, se comprins y vueillent estre : très
haulx et très puissans princes le Roy d'Angleterre, le Roy d'Escosse, le Roy de Portugal, le Roy Ferrande de Jérusalem et de Cecille, le Roy d'Arragon, le Roy de Castille et de Cecille, son filz, le Roy de Dannemarche, le Roy de Hongrie, le Roy de Poulanne, le duc de Bretaigne, madame de Savoye, le duc, son filz, le duc de Millan et de Gennes, le conte de Romont et maison de Savoye, le duc et seignorie de Venise, le conte palatin, le duc de Gleves, le duc de Julliers, les arcevesque de Goloigne, evesques de Liège, d'Utrech et de Metz, lesquelz seront tenuz de faire declaracion s'ilz vueillent estre comprins en ladicte tresve, et le signififier au Roy dedans le premier jour de janvier prouchain venant; ce toutesvoyes entendu que se lesditz aliez, comprins de la part du Roy ou aulcuns d'eulx, à leur propre querelle, ou en faveur ou aide d'aultruy, mouvoient ou faisoient guerre à mondit seigneur de Bourgoingne, il se pourra contre eulx deffendre, et à ceste fin les offendre, faire et excercer la guerre, ou aultrement y remédier et obvier de toute sa puissance, les contraindre et réduire par armes et hostillité ou aultrement, sans ce que le Roy leur peust donner ou faire donner secours, aide, faveur ne assistance à rencontre de mondit seigneur de Bourgoingne, ne que ladicte tresve soit par ce enfraincte. Et se pareillement lesditz aliez, comprins de la part de mondit seigneur de Bourgoingne, ou aulcuns d'eulx, à leur propre querelle, ou en faveur et aide d'aultruy, mouvoyent ou faisoient guerre au Roy, il se pourra contre eulx deffendre, et à ceste fin les offendre, faire et excercer la guerre, ou autrement y remédier et obvier de toute sa puissance, les contraindre et réduire par armes et hos-
tillité ou autrement, sans ce que mondit seigneur de Bourgoingne leur peust donner ou faire donner secours, aide, faveur ne assistance à l'encontre du Roy, ne que ladicte tresve soit par ce rompue ne enfraincte.
« Item, pour oster toute matière et occasion de guerre et débat pendant ladicte tresve, le Roy se declairera pour mondit seigneur de Bourgoingne, à l'encontre de l'Empereur des Romains, ceulx de la cité de Coloingne, et tous ceulx qui leur feront cy après aide ou service à l'encontre de mondit seigneur de Bourgoingne ; et promettra le Roy de non leur faire aide, secours ne assistance quelconque à l'encontre de mondit seigneur de Bourgoingne , ses pays , seignories et subgetz, en quelque manière que ce soit ou puist estre.
« Item, pour consideracion de ce que ce présent traictié fut despieça, meismement ou mois de may en l'an mil quatre cens soixante et quatorze, pourparlé et conclud entre les gens du Roy et de mondit seigneur le duc de Bourgoingne, le Roy consent et accorde que toutes les places, villes et terres que depuis ledit pourparlement de cedit présent traictié, ont esté prinses et occupées sur mondit seigneur de Bourgoingne, ses pays, subgetz et serviteurs , en quelque pays que ce soit, par les gens du Roy ou aultres, qui de sa part sont et vouldront estre comprins en ceste présente tresve, soient rendues et restituées à mondit seigneur de Bourgoingne et à sesdits subgetz et serviteurs; et ainsi le fera faire par effect le Roy, de toutes celles qui sont en son obéissance ; et les aultres, qui sont de sa part en ceste dicte tresve, seront tenuz de le faire, quant à celles qui sont en leurs puissances, avant qu'ilz
puissent joir de l'effect d'icelle ne estre reputez y comprins1.
« Item, pour meilleur entretenement de ladicte tresve, est accordé que les places de Harssy et Gerondelle seront habatues, se desjà elles ne le sont; et les terres demeurront de telles seignories qu'elles sont.
« Item, pour consideracion de laquelle tresve, et mieulx préparer et disposer toutes choses au bien de paix perpétuelle, le Roy sera tenu de baillier et délivrer, et par effect baillera et délivrera à mondit seigneur de Bourgoingne , les ville et bailliage de Saint Quantin, pour les tenir en tel droit qu'il faisoit avant l'encommancement des présentes guerres et divisions; et deans quatre jours après la délivrance de toutes les lettres accordées, le Roy en baillera ou fera baillier l'entière et playnne ouverture, délivrance et obeyssance à mondit seigneur de Bourgoingne ou à son commis à ce, en telle puissance et à tel nombre de gens qu'il plaira à mondit seigneur de Bourgoingne, en retirant seullement par le Roy de ladicte ville de Saint Quentin son artillerie, telle qu'il y a fait mectre et amener depuis que icelle ville s'estoit mise en son obeyssance, sans touchier à l'artillerie appartenant au corps de ladicte ville ne à aultre y estant avant que ladicte ville feust mise hors de l'obeyssance de mondit seigneur de Bourgoingne, ou
1. Louis XI ne s'était pas contenté de saisir certaines places bourguignonnes. Il avait donné à Jean II, duc de Bourbon, en récompense des services rendus par lui dans les dernières guerres, le comté de Bourgogne et la seigneurie de Salins, confisqués, disait-il, sur Charles, soi-disant duc de Bourgogne, coupable de lése-majesté [Titres de la maison ducale de Bourbon, t. II, p. 379).
appartenant à aultre que au Roy ou à ses cappitaines. Et à ceste fin pourra mondit seigneur de Bourgoingne avoir aulcuns de ses gens pour veoir charger et emmener ladicte artillerie appertenant au Roy, et pour faire recueillir et garder celle qui appartient à ladicte ville ou à aultres que au Roy et à sesdits cappitaines. Et en recepvant ladicte ouverture, délivrance et obéissance de ladicte ville de Saint Quantin par mondit seigneur de Bourgoingne, icellui seigneur baillera et délivrera, ou par son commis fera baillier et délivrer es mains des gens et commis du Roy à faire icelle délivrance, ses lettres pour les manans et habitans dudit Saint Quantin , de les garder et entretenir en leurs biens, drois et previleiges, et de non les traveiller ou molester pour les choses passées ; et aussi main levée de leurs biens immeubles, et de leurs meubles estans en nature, et debtes non receues et acquittées estans es pays de mondit seigneur de Bourgoingne, et de les traictier ainsi que bon seigneur doit faire ses bons subgetz.
« Item , quant à toutes villes , places et aultres choses quelconques dont cy dessus n'est faicte mencion expresse, et sur lesquelles n'est aultrement disposé et ordonné, elles demeurront en tel estât, parti et obéissance, durant et pendant ladicte tresve , qu'elles sont de présent.
« Item, icelle tresve, seur estât et abstinance de guerre, et aultres pointz ci dessus declairez, le Roy et mondit seigneur de Bourgoingne, pour eulx, leurs hoirs et successeurs, promettront, en bonne foy, en parolle de Roy et de prince, par leurs seremens donnez aux sains euvangilles de Dieu, sur leur honneur et soubz
l'obligation de tous leurs biens, pays et seignories, avoir et tenir ferme et estable, et icelles garder, entretenir et accomplir, et faire garder, entretenir et accomplir inviolablement, durant le temps et par la manière cy dessus speciffiée et declairée, sans aler ne faire aulcune chose ou souffrir que aultre face aucune chose au contraire, directement ou indirectement, soubz quelque cause ou occasion que ce soit ou puist estre ; et en seront faictes et despechées lettres d'une part et d'aultre, en telle forme qu'il appartiendra.
« Et sera ladicte tresve publiée deans le . . . jour de . . . d'une part et d'aultre, saulf toutesvoyes et réservé que s'il advenoit, que Dieu ne vueille ! que de la part du Roy lesdictes ville et bailliaige de Saint Quantin ne fussent baillées et délivrées à mondit seigneur de Bourgoingne deans le tems dessus declairé, et les choses contenues es articles de ce faisans mencion, et dont lettres seront faictes et despechées, ne fussent accomplies, mondit seigneur de Bourgoingne , nonobstant ladicte publicacion, ne sera tenu, s'il ne lui plaist, de tenir, garder ne observer ladicte tresve de neuf ans, ne les articles contenuz en icelle, plus avant que jusques au premier jour de mayprouchainnement venant, que l'on dira mil quatre cens soixante et seze ; jusques audit premier jour de may ladicte tresve neantmoings demourra en sa force et vertu. Sçavoir faisons que, pour considération des choses dessusdictes, et singulieremen t en l'onneur de Dieu, nostre créateur, aucteur et seigneur de paix, lequel seul peut donner victoire aux princes chrestiens, telle qu'il luy plait, et pour envers lui nous humilier, affin de fuyr et evicter plus grant effusion de sang humain et que par les inconvenycns proce-
dans de la guerre ne soyons abdicquiés et ostés de la maison de Dieu le père, exheredés de la succession du filz, et perpetuelment aliénez et privez de la grâce du benoit saint esperit ; desirans la seurté, repos et sublement du pouvre peuple, et icellui relever de la grant desolacion, charge et oppression qu'il a soubstenue et soubstient de jour en jour, à cause de la guerre ; en espérance de parvenir à paix finalle, comme dit est : nous lesdictes tresve, seur estât et abstinance de guerre avons faictes, acceptées, fermées, prinses, conclûtes, promises et accordées ; et par la teneur de ces présentes, parl'advisetdeliberacion que dessus, faisons, acceptons, prenons, fermons, concluons, promectons et accordons pour nous, nosdits hoirs et successeurs, et avons promis et juré, promectons et jurons, en parole de prince, par la foy et serement de nostre corps, sur la foy et la loy que nous tenons de Dieu, nostre créateur, et que nous avons receu au saint sacrement de batesme, et aussi par le saint canon de la messe, sur les saintes euvangilles Nostre Seigneur, sur le fust de la vraye et précieuse croix nostre saulveur Jhesus Christ, lesquelz canon, euvangilles et vraye croix, nous avons manuelment touchez pour ceste cause, de icelles tresves, et toutes les choses contenues esdits articles, et chacune d'icelles, particulièrement et especialment les choses que nous debvons faire de nostre part, ainsi qu'elles sont contenues esdits articles , garder, tenir et observer, entretenir et acomplir, et faire garder, tenir et observer de point en point bien et loyalment, tout selon la forme et teneur desdits articles, sans riens en laissier ne jamais faire ne venir au contraire, ne quérir quelque moyen, couleur ou excusacion pour y
venir, ne pour en riens pervertir, ne faire quelque immutacion d'aulcune des choses dessusdictes ; et s'aulcune chose estoit faicte, attemptée ou innouvée au contraire par noz chiefz de guerre ou aultres noz subgetz et serviteurs, de le faire reparer, et des transgresseurs ou infracteurs faire telle pugnicion que le cas le requerra, et en telle manière que ce sera exemple à tous aultres. Et à toutes les choses dessusdictes nous summes submis et obligiez, submectons et obligeons, par l'ypotheque et obligacion de tous et chascun noz biens presens et advenir quelzconques , sur nostre honneur, sur peine d'estre parpetuelment deshonnoré, reproché et vilipendé en tous lieulx. Et avec ce avons promis et juré, promectons et jurons, par tous les seremens dessusdits, de jamais n'avoir ne pourchasser, de nostre saint père le Pape, de concilie, légat, penitancier, arcevesque, evesque, ne aultre prélat ou personne quelconque, dispensacion, absolucion ne relievement de toutes les choses dessusdictes ne d'aulcunes d'icelles ; et quelque dispensacion qui en seroit donnée et obtenue par nous ou par aultres, soubz quelque cause, couleur ouexcusacion que ce soit, nous y renonceons dez à présent pour lors, et voulons qu'elle soit nulle et de nulle valeur et effect, et qu'elle ne nous soit ne puist estre vaillable ne prouffitable, et que jamais nous ne nous en puissions aydier, en quelque manière que ce soit ou puist estre. Et pour ce que de cesdictes présentes l'on pourra avoir à besoingnier en divers lieux, nous voulons que au vidimus d'icelles, faiz et signez par l'ung des notaires et secrétaires du Roy, ou de l'ung de noz secrétaires, ou soubz seaulx royaulx, nostres ou aultres
auctentiques, foy soit adjoustée, comme à ce présent original. Etaffin que ce soit chose ferme et estable, nous avons signé ces présentes de nostre main, et icelles fait seeller de nostre seel. Donné ou chastel de Soleuvre1, le treiziesme jour de septembre l'an de grâce mil quatre cens soixante et quinze. Ainsi signé : Charles; et, du secrétaire, par monseigneur le duc, J. Gros.
« Gollacion faicte à la copie, collacionnée et signée J. Gros. »
