Le Hoy

7. Commune du canton de Lene (Pas-de-Galaip), à 7 kil. du cher-lieu de canton.

de France ne luy avoit prins du sien ; et monstroit bien que luy, qui n'avoit que dix neuf ans, avoit couraige de prince et d'homme chevalleureux ; et marcha contre le Pont à Lesaulx, et eust tantost des gens d'armes assez ; et y vindrent les Brabançons en grosse puissance ; et monseigneur de Romont et le bailly de Gand1 emmenèrent les Flamangs en grant nombre2.

En ce temps madame l'archiduchesse accoucha à Bruges3 d'ung beau filz, qui est à présent nostre prince, le plus bel, le plus4 mieux adestré et adressé que l'on porroit nulle part trouver. Dieu le nous vuille garder ! Grant joye fut parmy l'ost de la nativité de ce noble enffant ; et fut requis monseigneur l'archiduc que l'enffant eust nom Philippe, en mémoire des biens et de la tranquillité que les pays eurent du temps du bon duc Philippe, que Dieu pardoint. Le noble enffant fut baptisé à Bruges, et fut monseigneur de Ravestain compère, et madame la douaigiere commère ; et fut porté à Sainct Donas, par dessus ung pont eslevé, à grant nombre de torches et lumière. Là estoient madame de Ravestain5, madame de la Vere6, et si grant nombre de dames et de damoiselles,