Trois mots omis dans les éditions précédentes

l'archiduc d'Austrice 1 , et puis luy et Thoison d'or le menarent en une chappelle, où ilz luy vestirent le manteau de l'ordre et luy mirent le collier de la Thoison au col, et puis le ramenarent à la veue d'ung chascung, et lors commença la messe et le service de Dieu ; et, la messe achevée, s'en retournarent comme ilz estoient venuz, excepté qu'il ne fut plus de nouvelle ne de la haquenée ne du coussin ; et sur ce point s'en allèrent disner, et tantost furent nouvelles apportées à l'archiduc que le Roy de France estoit entré en ses pays, et avoit assiégé la ville de Gondé, en laquelle estoit cappitaine pour l'archiduc le seigneur de Mingoval2, qui ne tint pas la ville longuement, mais la rendit au Roy de France3. Et celluy soir4 qu'il avoit relevé la Thoison, se partit l'archiduc, accompaigné du conte de Ghimay, et rassembla ses gens d'armes le mieulx qu'il peust, et tira contre le Roy de France à toute puissance et diligence ; et si vivement marcha, que le Roy de France fut contrainct de bouter5 le feu à Gondé, et mesmes à Mortaigne, qui est l'ancien heritaige du Roy de France ; et se retira6 à Arras, et l'archiduc d'Austrice le suyvit jusques au Pont à Vendin 7; et ainsi l'archiduc reconquist en peu d'heure plus que le Roy