Ou plutôt d'Escornets ou d'Escornaix

mais mondit seigneur ne la voulut point prandre et luy dist que il la portast encoires jusques autrement en auroit ordonné. Et ainsi se tira la compaignie contre Gand, et conduisoit monseigneur de Nassau les gens de pied ; et estoit mondit seigneur de Nassau le premier en front, comme les aultres, la picque sur le col, et d'emprès luy estoit min joncker de Gueldres, Philippe, monseigneur de Ravestain et le conte de Joingny1, et, par ordonnance faicte, ilz dévoient toujours marcher cinq ensemble2; et après suyvoient barons, chevalliers et puis les piétons allemans, et estoit une moult belle bande à veoir , car ilz estoient bien deux mil combatans ; et puis venoient les gens de cheval en une grosse flotte, et entre les gens de pied et les gens de cheval estoient monseigneur l'archiduc, son filz, monseigneur de Ravestain et les aultres grans seigneurs et les gens de conseil. Ainsi entrarent ilz à Gand sans nul contredit, et fut mené monseigneur l'archiduc et monseigneur son filz en leur hostel à Gand3 lequel ilz trouvarent préparé pour les y loger; et se logea chascun, et mesmement les piétons furent logez es hostelz des bourgeois, qui n'estoit pas au gré de tous; et quant vint le soir4, ceulx de Gand