J90 MÉMOIRES D'OLIVIER DE LA MARCHE

seulement mais plusieurs aultres1. Et nous tairons à présent de ce pour parler de la division de ceulx de Gand; et peult on ligierement entendre que Goppenolle reveilla ses amys et ceulx de sa secte à Gand ; et ligierement se firent les plus fors et prindrent Mathis Paiart cfue le Roy avoit fait chevallier2, et luy avoit donné une chaisne d'or, et vouloit qu'il fust continué grant doyen de Gand pour les services qu'il luy avoit faiz; mais, au contampt du Roy, ilz prindrent ledit messire Mathis et luy copparent la teste3, disant qu'il avoit esté cause que le Roy avoit receu son filz hors de leurs mains, et qu'il ne tint pas à luy que la ville ne fust perdue et perie pour ce qu'il fut cause que le Roy y entra fort et foible. Et là se vengèrent d'aucungs qu'ilz hayoient en ladicte ville, et ceulx de Bruges continuèrent en leur erreur et mauvais propoz, et firent tousjours au Roy de pis en pis, et se saulvoient, des gens du Roy, ceulx qui povoient, en habit dissimulé et aultrement4 ; et, en conclusion, pourchassa tant Goppenolle, que plusieurs des plus grans personnaiges du Roy furent délivrez à ceulx de Gand et menez à Gand, dont l'ung fut le chancellier de Bourgoingne 5, l'abbé de Sainct Bertin, messire Martin de Polem,

1. Pierre Lanchals fut arrêté le 15 mars 1488 (n. st.), et décapité le lendemain matin.

2. Après l'entrée de Maximilien à Gand, en 1485. V. Moliuet, t. II, p. 450, qui rappelle le fait dans les mêmes termes.

3. Arrêté le 5 mars 1487 (v. st.) par les habitants de Bruges, qui le livrèrent aux Gantois, Mathieu Payaert fut « géhenne deux ou trois jours entiers, » puis « décollé en Gand et escartelé comme traictre » (Molinet, t. III, p. 265).

4. Par exemple, le comte de Zollern, qui se déguisa en villageoise, portant des oignons sur la tête (Molinet, t. III, p. 225).