Jean Carondeiet, seigneur de Champvans et de Solre

messire Wolfart de Polem, le conte Philippe de Nassau, le seigneur de Villarnou1, et messire Philippe Loete2, et ung Allemand, nommé messire Jaspart May3. Geulx furent prisonniers à Gand4 et souvent menassez de faire mourir, et le tout falloit prendre en pacience ; et au regard de ceulx de Bruges , ilz firent mourir autant qu'ilz en peurent attaindre ; et pour monstrer leur mauvaise volenté, ilz firent crier que tout homme serviteur du Roy des Rommains, qui voudroit partir hors de Bruges, se trouvast, en une heure nommée, sur le vieil marchié, et on leur donroit passaige ; et pour ce faire s'assemblèrent un grant tas des plus mauvais garsons de la ville, et trouvarent sur ledit vieil marchié gens de tous estatz, qui cuydoient partir hors de ladicte ville, comme on l'avoit crié. Mais iceulx mauvais garsons frappèrent dessus, en meurdrirent à leur volenté, et ceulx qui peurent eschapper nagarent le fossé. Et voilà la justice et la raison qui, en ce temps, regnoit à Bruges.

Geulx de Bruges préparèrent l'hostel de maistre Jehan Gros5 pour logier le Roy. Hz y firent faire une caige de gros bois et toute ferrée de fer, et en celle