Accablèrent, grevèrent

Rommains pour cuyder bien faire et pour appaiser l'outraige qu'ilz avoient faict à ung abbé subject de la maison d'Austriche, et continuèrent lesditz Suisses à faire la guerre au Roy, tant en Austriche comme en Ferrate', à feu et à sang. Et quant le Roy veit leur obstinacion, il assembla quinze ou seze mil combatans et poursuyvit les Suisses, qui estoient retirez en leur pays, et entra par le costé de la conté de Thirolle, où il y a fort pays et grans montaignes à passer pour venir au pays desditz Suisses. Et touteffois entra le Roy et son armée, à pied et à cheval, esditz passaiges; et se le duc de Millan, nommé Ludovic, eust tenu ce qu'il avoit promis au Roy d'admener des vivres à l'entrée des passaiges pour fournir l'armée pour leur argent, il est apparant que le Roy leur eust faict le plus grant reboutement qu'ilz eurent oncques; mais le duc de Millan ne tint point ce qu'il avoit promis, et ne trouvarent les gens d'armes nulz vivres, et furent cinq ou six jours en grant disette de pain et de fourraige , de vin et de tous aultres vivres , et se le commung de l'armée eust eu le couraige et la sobresse i que avoit le Roy de sa personne, les Suisses estoient defïaiz en ce quartier; mais par faulte de vivres, comme dit est, il falut que le Roy retirast son armée, et despuis les Suisses assaillirent les gens du Roy qui estoient en Ferrate. Mais Dieu estoit pour les Ferratois et furent les Suisses desconfitz ; et eurent grant honneur à celle journée Loys de Vauldrey, Rodigues, bastard de Lalain, et ceulx de la garde du Roy, et autres Wallons qui se trouvèrent à celle journée; et

l. Sobriété.

deppuis fut faict ung appoinctement entre le Roy et lesditz Suisses, et se sont retirez chascun de leur costé.