CHAPITRE XVI

Des surnoms attribués à V Empereur Maximilian d'Austriche et à Varcheduc Philippe, comte de Flandres, son fils.

Et pour cette fois je dissimuleray ung peu de parler de ce noble Roy des Rommains et de ses grans faiz et de ses vaillances, où j'ay espoir de venir tout à temps, et est besoing que je escripve et mecte par escript le sens et la bonne conduicte de monseigneur Philippe d'Austriche, son filz. Mais premièrement, comme les aultres ducz de Bourgoingne ont eu nom et tiltres qui leur ont esté donnez à leur honneur, je suis desliberé à cest endroit de bailler tiltre acquis à ce noble Roy Maximilian d'Austriche, et suis en pensée de le nommer Maximilian Gueur d'or ou d'argent ; mais je ne trouve point que ce nom luy soit souffisant, quant à la haulteur de son couraige ; car l'or, l'argent et le plomb sont metaulx qui, par fondue et souvent manier, s'amenrissent et affoiblissent ; et je ne trouvay oncques que, pour quelque fortune advenue, ce noble Roy ayt esté ployé ne amoindry en couraige ne en haulte emprinse. Le nommerons nous Maximilian Cueur de fer ? Je diz que non ; car trop petit est le nom selon ses grans mérites. Le fer est d'une nature que la goutte de la pluye, venant du ciel, cave1 le fer,