G MÉMOIRES D'OLIVIER DE LA MARCHE

est bien raison que je declaire les causes pourquoy ce nom luy est attribué, et trouverez vray que, luy estant en la subjection de ceulx de Gand, il estoit en l'eage de trois ou quatre ans; et lors mourut et trespassa de ce siècle feue de noble mémoire madame Marie de Bourgoingne, sa mère, et par celle mort fut successeur ce josne archiduc de toutes les seigneuries appartenant à la maison de Bourgoingne, où il avoit cinq duchiez et dix sept contez, toutes terres grandes et seigneurieuses, comme la duchié de Bourgoingne, la duchié de Lotrich, la duchié de Lembourg, la duchié de Brabant, la duchié de Lucembourg et la duchié de Gueldres, les contez de Flandres4, d'Artois et de Bourgoingne, les contez de Mascon et d'Auxerrois, la viconté d'Auxonne, le conté de Charrolois, les seigneuries de Salins, de Malines et de Noyers, la seigneurie du Ghasteau Chinon et moult d'aultres belles parties. Et combien que le Roy de France, par puissance et par haulteur, ayt prins et mis en sa main plusieurs d'icelîes seigneuries, toutefïbis c'est à tort et sans cause, et Dieu qui l'a permis, quant il luy plaira il les rendra à celluy qui a le droit. Et, comme j'ay dit dessus, à l'heure que vindrent lesdictes successions à monseigneur l'archiduc Philippe et en son josne eaige, il estoit encoires en la main des Gantois et avoit bien besoing d'estre bien conseillé ; mais son noble père le Roy des Rommains le tira hors d'icellc chetivoison2 et le ramena en ses pays et en son franc

1 . Philippe le Beau, alors âgé de seize ans, prit à Gand possession du comté de Flandre le 26 décembre 1494 (Preuves de V Histoire de Charles VIII, p. 729).