Misère

arbitre; et pour la principalle seureté de ce noble enfant, il fut mené en sa ville de Malines, où il fut gardé et soubstenu comme les bons subjectz doivent faire de leur prince, comment1 qu'il est escript cy dessus. Et en ce temps madame Marguerite d'Austriche, seur de mondit seigneur l'archiduc Philippe, par la puissance des peuples et des villes, et en espérance d'avoir paix, fut mariée à Charles, filz du Roy Loys de France, daulphin de Viennois2. Mais le mariaige ne sortit point d'effect parce que le Roy Loys mourut, et le Roy Charles, son filz, appeta et eust désir d'avoir la duchié de Bretaigne, et y fit grans guerres et grans effors; et, en conclusion, par moyen d'aucungs et principallement du prince d'Oranges, le mariaige fut faict du Roy Charles et de l'heritiere de Bretaigne ; et si avoit ladicte héritière espousée solempnellement et par procureur fondé, messire Wolfar de Polem, pour et ou nom du Roy des Rommains ; et par ce moyen madame Marguerite, qui avoit esté tenue neuf ans pour Royne de France, fut ramenée pardeçà, et depuis elle espousa le prince de Castille3; mais la fortune fut telle qu'il ne vesquit guieres, dont ce fut pitié et dommaige ; car il estoit apparant d'estre ung noble prince. Si laissa madame la princesse ensaincte et eust ung filz, mais il ne vesquit pas longuement ; el