Jean de la Pôle, duc de Suffolk

a voit sa cotte d'armes au doz et portoit sa hache sur son col, à guise d'ung espieu, et venoit criant : « Sainct George ! » par trois fois. Les champions se joindirent fièrement et s'assaillirent l'ung l'aultre de grant couraige ; et fut moult belle ceste bataille, ne je ne veiz oncques combattre de haches si fièrement; et ' certes monseigneur le bastard monstra bien à celle bataille qu'il estoit ung homme, voir ung chevalier duict aux armes et au mestier; et furent tous deux prins et deppartiz sans grant foule l'ung d'avec l'aultre, et ainsi furent icelles armes faictes et accomplies ; et, à la vérité, je veiz deppuis le harnois de monseigneur d'Escalles, où monseigneur le bastard avoit fait de grans faulcées de la dague de dessoubz de sa hache, et au regard des dagues qui leur furent baillées, ilz ne s'en aidèrent point en celle bataille. Et ainsi prindrent les champions congié du Roy et se partirent tous à une fois de la lice, leurs haches sur leurs colz, pour monstrer qu'ilz n'avoient esté desembastonnés; et se retira chascun en son logis. Et au regard du Roy d'Angleterre et de la Roy ne, ilz avoient faict préparer le soupper en la Grange des Merciers, et là vindrent les dames, et vous certiffie que j'y veiz soixante ou quatre vingtz dames de si noble maison, que la moindre estoit fille de baron ; et fut le soupper grant et planteureux, et monseigneur le bastard et ses gens festoyez grandement et honnestement.

Et le lendemain firent armes à pied messire Jehan de Chassa et ung escuyer gascon nommé Loys de Bretelles, serviteur de monseigneur d'Escalles, et accomplirent icelles armes sans grant foulle l'ung sur l'aultre ; et le lendemain firent armes à cheval, esquelles

messire Jehan de Chassa eust grant honneur et fut tenu pour ung bon coureur de lance ; et le lendemain fît armes messire Philippe Bouton à l'encontre d'ung escuyer du Roy. Icelluy escuyer estoit gascon et se nommoit Thomas de la Lande, et estoit icelluy Thomas beau compaignon et homme de bien; et entre eulx sourdit une question, car ceulx qui servoient messire Philippe Bouton disoient que l'arrest de Thomas de la Lande estoit trop advantaigeux. Si fut visité par les gens du Roy et trouvarent qu'il estoit vray, dont le Roy ne fut pas content. Toutefïbis ilz conclurent de parfaire leurs armes et fit chascun le mieulx qu'il peust, comme il est coustume en tel cas; et ainsi furent les armes achevées d'une part et d'aultre ; et monseigneur le bastard pria les dames le dimanche au disné, et nommément la Royne et ses seurs, et fit ung grant desroy et une grant préparation. Et nous partismes, Thomas de Loreille1, bailly de Gaen et moy2 pour aller en Bretaigne fournir nostre embassade, et vinsmes à Pleume, attendant le vent et navieres pour nous passer en Bretaigne. Et en ce temps vindrent les nouvelles à monseigneur le bastard en Angleterre, que le duc de Bourgoingne estoit trespassé 3 , ' et devez croyre que grant dueil eust ledit

1. Thomas de Loreille, « escuier, bailly du Can, » reçut 240 1. pour rendre compte de ce voyage « quant yl est venu en ambassade devers le duc es villes de Bruges et de Gand, de par le duc de Normendie, et il, pour soy aidier à desfrayer desdis lieux et autrement » (Bulletin de la Société de V Histoire de France, 1858, p. 298).