Fin de décembre

oncques riens sçavoir. Et touteffois il y avoit plus de cinq cens, que princes, que chevalliers, que dames, que damoiselles et escuyers, qui tous estoient acertenez de ceste alliance ; et se faisoit ceste emprinse soubz umbre du bien publicque, et disoit on que le Roy gouvernoit mal le royaulme et qu'il estoit besoing de le refformer.

En ce temps se mirent sus et en armes, de tous coustez, iceulx aliez et aultres du royaulme de France ; et cuydoit le Roy que ce fust pour venir à son ayde ; mais il trouva bien le contraire. Et au regard du conte de Charrolois, il advertit le duc, son père, de l'aliance qu'il avoit faicte avec monseigneur de Berry 4, frère du roy, où estoient comprins les ducz de Bretaigne2, de Bourbon 3, et d' Alençon 4, ensemble le conte du Maine 5, le conte d'Armignac6, le conte de Dunois7, et moult d'aultres grans personnaiges ; et en ce temps se conduisoit mondit seigneur de Berry par le conseil du duc de Bretaigne et par le conte de Dunois, et requirent leurs alliez de toutes pars ; et quant le bon duc entendit que son filz estoit allié avecques tant de gens de bien, il fut contant qu'il s'acquitast et qu'il tinst promesse aux