Le lundi 27 juin

revenue de veoir madicte dame Marguerite, monseigneur de Bourgoingne se tira au lieu de l'Escluse à petite compaignie, et entra par derrière dedans le chasteaul; et après qu'il eust souppé, se partit, atout six ou sept chevaliers de l'ordre seullement, et vint assez secrettement à l'hostel de madicte dame Marguerite, combien qu'elle en estoit advertie, et estoitaccompaignée des plus gens de bien de sa compaignie, comme du seigneur d'Escalles, frère de la Royne d'Angleterre, et de plusieurs aultres nobles Angloix qui estoient venuz à celle feste. Et à l'arrivée, qu'ilz * veirent l'ung l'aultre, ilz se feirent moult grant honneur, et puis s'assirent sur ung banc, où ilz devisèrent longuement ensemble. Et après plusieurs devises, monseigneur l'evesque de Salsbery, qui tousjours avoit mené ceste matière, se vint mectre à genoulx entre eulx deux et les mist en plusieurs gracieulx devis ; et assez tost après vint monseigneur le conte de Gharny, qui dist telles parolles : « Monseigneur, vous avez « trouvé ce que vous avez tant quis et désiré, et puisce que Dieu vous a admené ceste noble dame au port « de salut et à vostre désir, il me semble que vous ne « debvez point deppartir sans monstrer la bonne affec- « tion que vous avez à elle, et que à ceste heure vous « la debvez fiancer et luy faire promesse. » Mondit seigneur respondit qu'il ne tiendroit pas à luy, et l'evesque de Salsbery dit à madame Marguerite le propost en quoy ilz estoient et ce que monseigneur desiroit de sa part, luy demandant qu'elle en vouloit faire ; laquelle y respondit que pour ceste cause, et