A l'arrivée, et quand ils se

non pour aultre, i'avoit envoyée le Roy d'Angleterre, son frère, pardeçà, et que ceste chose, laquelle le Roy luy avoit commandé, elle estoit preste de faire et accomplir. Et sur ce propost les prinst l'evesque par les deux mains et les fiança; et ainsy se partit pour ceste fois mondit seigneur, et le lendemain s'en retourna à Bruges.

« Madicte dame Marguerite demoura audit lieu de l'Escluse jusques à l'aultre sambedy suyvant1, et fut encoires visitée par mondit seigneur, et, ledit sambedy, furent les basteaulx richement parez pour conduyre et mener madicte dame au lieu du Dan 2, auquel lieu elle fut receue honnorablement et à grant joye, selon le cas et la faculté d'icelle petite ville.

« Le lendemain, qui fust troiziesme jour de juillet, mondit seigneur le duc de Bourgoingne et de Brabant se partit, à privée compaignie, entre quatre et cinq heures du matin, et se tira au lieu du Dan, où il trouva madicte dame Marguerite et sa compaignie, préparée et advisée de le recepvoir, comme il estoit ordonné ; et là mondit seigneur l'espousa, comme il appertenoit, par la main de l'evesque de Salsbery dessusdit, et, après la messe chantée, mondit seigneur s'en retourna en son hostel à Bruges ; et croys que, tandis que les aultres serimonies se firent, il feit provision de dormir, comme s'il eust à faire aucung guet ou escoute pour la nuyt advenir.

« Tantost après se rendirent au lieu du Dan monseigneur Adolf de Cleves, seigneur de Ravestain, mon-