Trente, d'après Wavrin
8. Wavrin, dans les Cronicques d'Englelerre, t. II, p. 369 et suiv., a aussi donné une description, mais beaucoup plus abrégée, de l'entrée de la nouvelle duchesse à Bruges.
chevaliers et escuyers, nobles hommes et nacions qui icelluy jour reneontrarent madicte dame, richement vestuz et en point, je m'en passe pour abréger, pour ce que je veuil venir à l'ordre, comme ilz entrarent en ladicte ville. Mais touteffois suis je contrainct de ramentevoir ung noble chevalier zeelandois, qui, à celle heure et entrée, avoit six chevaulx cou vers de parure de drap d'or, d'orfavrerie, de drap de soye et de campannes très richement aornées ', nommé Adrian de Borselle, seigneur de Bredam, lequel, pour deux causes, je ramentois en cest article. La première pour ce qu'il fut le mieulx en point en ceste entrée. La seconde pour ce que, par la voulenté de Dieu, le mecredy après il trespassa à l'ocGasion d'une maladie d'une jambe, dont ce fut dommaige, et fut moult regretté de la seignorie.
« A celle porte de Saincte Croix furent les ordonnances faictes; et marcharent par ordonnance ceulx qui accompaignoient la noble espouse en la manière que s'ensuyt, sans y riens oublier. Premièrement tous les gens d'église et collieges, accompaignans les evesques, abbez et prelatz, qui furent ordonnez à porter les relicques et conduyre les proucessions, et qui avoient actendu longuement madicte dame à icelle porte, marchèrent les premiers et par ordre et à l'ouvert, tellement que entre deux pouvoit marcher l'ordonnance et la compaignie ainsi qu'elle venoit. Les premiers qui marchoient par ordonnance estoient le bailly et escoutette 2 de Bruges ; et après eulx venoient
1. Mot omis dans les précédentes éditions. %. Escoutète, magistrat chargé de l'exécution des mesures relatives à l'ordre public et à la répression des délits.
deux à deux les gentilzhommes de l'hostel des princes et seigneurs, qui n'estoient point de la retenue et ordonnance de monseigneur le duc.
« Et après iceulx venoit un gentilhomme cappitaine des archiers de monseigneur le bastard de Bourgoingne, et douze archiers après luy, vestuz de palletoz 4 d'orfavrerie blanche, à ung grant arbre d'or devant et derrière ; qui signiffioit le pas de l'Arbre d'or, que monseigneur le bastard commença celluy jour et maintint celle teste, dont cy après sera faicte mencion.
« Après iceulx archiers marchoientles gentilzhommes, deux à deux, de l'hostel de mondit seigneur, après 2 les chambellans, et après les seigneurs du sang, qui furent à moult grant nombre ; et furent tous vestuz des robes et pareures de mondit seigneur, qui furent telles que les escuyers avoient robes de drap damas noir et pourpoints de satin cramoisy. Les chefz d'office avoient longues robbes de satin noir figuré et pourpointz de satin figuré cramoisy ; et les chevaliers et gens de conseil avoient longues robes de velours noir et pourpointz de velours cramoisy ; et les serviteurs et varletz de la maison tous vestuz de drap noir et violet et pourpointz de camelot. Que vous diroy je? Tant et si largement donna monseigneur de drap de soye et de layne pour cette pareure, qu'il cousta plus de quarante mil frans. Et certes il faisoit beau veoir marcher en ordonnance les chevaliers et gentilzhommes vestuz de cette pareure.
« Après iceulx du sang marchoient toutes manières
