Puis

d'instrumens par ordre, qui estoient de diverses nacions ; et après iceulx venoyent clairons, menestreulx et trompettes, tant angloix comme bourguignons, qui se faisoient moult eftorcement ouyr; et après venoient officiers d'armes de divers pays, à grant nombre, dont il y en avoit vingt quatre portails cottes d'armes.

« Après iceulx venoient à pied * six archiers pourtans la couronne d'or sur l'espaule, qui estoient des archiers de la couronne du Roy d'Angleterre, et avoient chascun une longue flesche en la main ; et en après iceulx venoit madame en sa littiere , comme j'ay dit devant.

« Au cousté deçà et delà de ladicte littiere, tenant la place large, estoient les deux cappitaines des archiers de monseigneur le duc, c'est assavoir monseigneur de Rosimbos 2 et messire Philippe , bastard de la Vieville, accompaignés de vingt archiers de corps seulement et habillez depalletoz d'orfavrerie. Geulx là furent à pied et avoient leurs voulges3, et gardoient, comme dit est, la littiere de la presse, et que le peuple n'y approchast.

« Et au regart de la littiere, elle estoit richement addestrée ; car les Bourguignons estoient à pied, les chevaliers de la Thoison d'or richement vestuz et parez, les ungs vestuz de drap d'or, les aultres d'orfavrerie moult richement. Et estoit en chef messire Adolf de Gleves, cousin germain de monseigneur de Bourgoigne,