Thomas Vaughan

Et povoient estre jusques au nombre de quatre vingtz à cent nobles, qui toute la feste furent très bien en point et richement vestuz ; mais tous ceulx cy n'estoient point à pied autour de ladicte littiere, sinon dix ou douze premiers nommez.

« Après ladicte littiere avoit encoires six archiers de la couronne, habillez comme les premiers ; et certes c'estoient beaulx hommes et bien en poinct ; et après iceulx venoient les haquenées et chariotz, dames et damoiselles, en tel estât et ordonnance que les ay une fois de visées.

« Après la compaignie des dames venoient les embassadeurs, tantprelatz que chevaliers, qui estoyent là, chascun tenant le degré de son maistre; et furent ordonnez, pour les accompaigner, monseigneur le chancelier de Bourgoingne 4, et le conseil de la maison. Là estoient l'evesque de Selisbury2, l'evesque de Mes3, l'evesque de Verdun *, l'evesque de Cambray 5, l'evesque d'Utrech fi, l'evesque de Tornay 7, ung chevalier de par le Roy d'Arragon, trois ou quatre chevaliers, clercs et gentilzhommes de par le conte palatin, et moult d'aultres dont ne me souvient.

« Et après iceulx venoient les nacions par ordre, qui