David, bâtard de Bourgogne

7. Guillaume Fillastre. — Dix évêques ou prélats assistaient aux noces (V. Comptes-rendus de- la Commission royale d'histoire de Belgique 1842, p. 170).

marchoyent en la manière qui s'ensuyt. Les Veniciens marchoient les premiers et estoient eulx et leurs serviteurs tous à cheval, les maistres vestuz de velours cramoisy, les varletz de drap vermeil ; et devant eulx avoient cinquante hommes à pied vestuz de vermeil, chascun tenant une torche en la main.

« Et après venoient les Florentins, lesquelx avoient devant eulx soixante torches, portées par soixante hommes à pied vestuz de bleu ; et après les torches faisoient marcher quatre paiges, l'ung après l'aultre, sur quatre destriers ; lesdits paiges avoient pourpointz de drap d'argent et mantelines de velours cramoisy ; et les chevaulx estoient couvers de satin blanc, bourdez de velours bleu. Devant les marchans florentins marchoit Thomas Portunaire1, chef de leur nacion, vestu comme les conseillers de monseigneur le duc, car il est2 de son conseil ; et après luy marchoient dix marchans deux et deux, vestuz de satin noir figuré, et après dix facteurs, vestuz de satin noir simple, et tous avoient pourpointz cramoisy ; et après eulx avoit vingt quatre varletz à cheval, tous habillez et vestuz de bleu.

« Après marchoient les Espaignartz3, qui estoient trante quatre marchans à cheval, vestuz de damas violet ; et avoit chascun marchand son paige à pied devant luy, tout pareils, vestuz de pourpointz de satin noir et jaquettes de velours cramoisy ; et faisoient lesditz

1. Thomas Portinari, banquier des Médicis à Bruges et conseiller du duc de Bourgogne. Bruges était alors un des grands entrepôts du commerce florentin.