Avoit

et par le bout de son mattratz sailloit vin de Rin, et tous iesdits vins tumboient en deux grans bacs de pierre, où tout le monde en povoit combler et prendre à son plaisir. Et dedans la court, vers l'espicerie, avoit ung grant pellican qui se donnoit en la poictrine ; et en lieu de sang qui en debvoit partir, en sailloit ypocras, qui tumboit en une mande1 d'osier si soubtivement faicte que riens ne s'en perdoit ; mais en povoit chascun prandre, à qui il plaisoit.

« Maintenant reviendrons à la descente de ceste belle dame, laquelle entra dedans la court assez près de douze heures ; et madame, la mère de monseigneur de Bourgoingne, l'attendoit à l'entrée de la salle, accompaignée de madamoiselle de Bourgoingne et de madamoiselle d'Argueil, avecques bien cent dames et damoiselles de nom ; et quant ladicte littiere approucha, madicte dame luy al la au devant. Mais tantostlesarchiers de la couronne, qui estoient à ce ordonnez, prindrent la littiere sur leurs colz et la misrent hors des chevaulx, et l'apportèrent plus avant au devant de madicte dame ; et puis mirent ladicte littiere à terre, et là fut ladicte littiere descouverte, et vint madicte dame la duchesse, la mère, prendre madicte dame sa belle fille hors de ladicte littiere, et l'ammena par la main, à sons de trompes et de clairons, jusques en sa chambre ; et pour le présent nous tairons des dames et de la chevallerie, et reviendrons à deviser de l'ordonnance de l'hostel.

« Pour commencer aux commungs offices , à la cuisine avoit trois cens hommes , à la saulserie quatre vingtz, à Techansonnerie et pannetterie avoit