Lire probablement : manne

en1 chascun soixante hommes, en l'espicerie quinze; et généralement tous les offices furent fort fourniz de gens.

« A l'hostel avoit une petite salle ordonnée devant la chappelle, où mangeoit monseigneur de Bourgoingne seullement; et auprès d'icelle salle avoit une grant salle, où mangeoient tous les chambellans ; et plus bas avoit une aultre plus grant salle où mangeoient les maistres d'hostels et tout le commung ; et se couvroit celle salle à plusieurs fois, pour le grand nombre de gentilzhommes , archiers, paiges, officiers d'armes, trompettes, menestriers et joueurs d'instrumens qui estoient à icelle feste.

c< Et oultre plus avoit en la maison sept chambres ordonnées pour festoyer les estrangiers ; dont de l'une estoit chief monseigneur le bastard, et l'accompaignoit monseigneur de la Roche. Les aultres estoient monseigneur Jaques de Sainct Pol, messeigneurs d'Arcy2, de Crequy, de la Gruthuse et de Bergues3, et plusieurs aultres qui les accompaignoient ; et en chascune chambre y avoit maistre d'hostel et gens ordonnez pour y servir.

« Et pour tenir le grant estât , fut faicte une salle en une grande place que l'on dit le jeu de paulme de la court. Geste salle fut faicte hastivement de charpen-

1. Deux mots omis dans les précédentes éditions qui y ont substitué « pour chacune. »