Compris

3. En 1448, Philippe le Bon avait fait venir à Bruges le peintre Baudouin pour lui montrer certains patrons de cette tapisserie et lui avait alloué 46 livres pour son voyage (Archives du Nord, compte de Guillaume de Poupet, fol. 145, 1448). Mais il est difficile de conclure de cette circonstance que la tapisserie de la Toison d'or ait été tissée sur les dessins de cet artiste, qui s'était peut-être borné à corriger ou revoir lesdits patrons.

mirouer rnoult grandes et si bien composées, que l'on veoit dedans chascune pièce tout ce qui se faisoit dedans ladicte salle. Lesdictes montaignes estoient plaines d'arbres, d'erbes, de feuilles et de fleurs ; et certainement ilz furent fort prisez et regardez d'ung chascun, et furent faiz de la main d'ung moult soubtil homme, nommé maistre Jehan Stalkin , chanoine de Sainct Pierre de l'Isle ; car aucungs jours ledit Stalkin fit personnes mectre dedans lesditz chandeliers, qui faisoient virer la moictié desditz chandeliers aussi dru que ung molin à vent ; et saillirent hors des roches dragons gectans feu et flammes moult estrangement ; et ne veoit on point comment la soubtiveté se conduisoit.

« Au bout de ladicte salle, devant la grant porte, furent faictzdeux grans hourtz l'ung sur l'aultre, moult gentement tapissez, pour mectre et loger les dames et damoiselles qui estoient venues pour veoir la feste et se tenoient comme non congnues.

« En celle salle avoit trois tables dressées, dont l'une fut au bout de dessus, traversant à potence, et estoit la table pour l'honneur. Celle table estoit plus haulte que les aultres, et y montoit on par marches de degrez ; et tout du long d'icelle salle4 avoit ung riche ciel, et dossier si grant qu'il faisoit tappis au banc, tout de très riche drap d'or.

« Aux deux coustez de ladicte salle, tirant du long, furent les aultres deux tables dressées, moult belles et moult longues ; et au millieu de ladicte salle avoit ung hault et riche buffet, fait à manière d'une losange.