Bische ou Biche
\t% MÉMOIRES D'OLIVIER DE LA MARCHE.
« Or pour abréger l'ordonnance de la salle, on avoit ordonné quatre gentilzhommes , et après chascun dix gentilzhommes nommez, iesquelz quarante quatre servirent la salle de viande, qui me sembla très diligemment servye ; et fut le disné servy à trois fois ; et n'est pas à oublier que toutes les salles, toutes les chambres, et la grande salle dont je parle, furent toutes serviz en vaisselle d'argent.
« Les seigneurs commis emmenèrent les seigneurs, chevaliers et gentilzhommes angloix par les chambres, en ung lieu que l'on dit la gallerie, où disna le légat, accompaigné des ambassadeurs des Rois et des princes qui là estoient, ensemble de tous les evesques de ceste maison; et disna monseigneur en la salle pour luy ordonnée, et tous ses chambellans en leur reigle, qui estoit moult belle chose à veoir, pour ce que tous estoient vestuz pareil de la livrée de monseigneur, et tous les serviteurs de mesmes à leur degré ; et ne veoit on homme, parmy leans, que vestu de velours, et grosses chaisnes d'or à moult grant nombre ; et à tant se taist mon escripture du disner, pour revenir à la jouste et au pas de l'Arbre d'or qui commença celuy jour, comme cy après orrez.
« Le disner fut faict, et se retraïrent les dames pour eulx aiser en leurs chambres ung petit, et devez sçavoir qu'il y eust plusieurs habillemens changez et renouveliez ; et puis montèrent en leurs chariotz et sur leurs haquenées, et en moult grant pompe et triumphe vindrent sur les rens ; et tantost après vint monseigneur de Bourgoingne, son cheval harnaché de grosses sonnettes d'or, et luy vestu d'une longue robe d'orfavrerie, à grandes manches ouvertes. Ladicterobe estoit
MÉMOIRES D'OLIVIER DE LA MARCHE. 1 2l3
fourrée de moult bonnes martres, et, à la vérité, ce me sembla habillement moult princial et riche. Ses chevaliers et gentilzhommes l'accompaignoient à moult grant nombre, et ses archiers et ses paiges l'adestroient à pied ; et ainsi vint descendre devant l'hostel qui pour luy estoit préparé.
« La place pour * la jouste fut dressée sur le marchié de Bruges, et fut toute close, qu'il n'y avoit que deux entrées, sinon pour celluy jour seullement, que monseigneur Adolf de Gleves, qui debvoit ouvrir et commencer le pas, avoit fait faire une entrée au droit de là où il se debvoit armer.
« Et pour estre myeulx adverty de la cause de ceste emprinse, monseigneur le bastard de Bourgoingne fonda son pas sur ung géant que ung nain conduisoit prisonnier, enchaîné, dont la cause de sa prison est declairée en une lettre cy après escripte 2, laquelle lettre ung poursuyvant nommé Arbre d'or, qui se disoit serviteur de la dame de l'Isle celée, avoit apportée à monseigneur le duc, dont la teneur s'ensuyt3, et aussi par ung chappitre baillé à mondit seigneur, qui s'ensuyt après la lectre4.
S'ensuit la teneur de la lettre présentée par Arbre d'or, serviteur de la dame de Vlsle celée, et aussi les chappitres faictz pour la conduicte de cestuy noblepas\
« Au regard de la place ordonnée pour la jouste,
