A rencontre
d'Escoville, embassadeur et serviteur de monseigneur le duc de Normandie, messire Philippe Pot, seigneur de la Roche, messire Claude de Thoulongeon, seigneur de la Bastie i , et messire Robert, seigneur de Miraulmont, lieutenant de monseigneur le mareschal de Bourgoingne ; et avec iceulx estoit le roy d'armes de la Jartiere, le roy d'armes de la Thoison d'or, Bretaigne le herault, Constantin le herault, Bourgoingne le herault et plusieurs aultres; et en ung aultre hourt tenant à cestuy là estoient tous les roys d'armes et heraulx, tant estrangiers comme privés, qui estoient à ceste assemblée.
« Devant le hourt des juges se ferroient et mesuroient toutes les lances ; ne de tout le pas ne fut lance tenue pour rompue, qu'elle ne fust mesurée à la mesure par lesdits juges ordonnez, ne lance courue sans mesure. Mais fut le droit de chascun moult bien et loyaulment gardé, et je responds que je accompaignay lesdits juges tout au long de la feste.
« Les maisons, les tours et tout à l'entour desdictes lices, tant loing comme près, tout estoit si plain de gens que c'estoit belle chose à voir. Et puisque j'ay devisé de la manière de la place, il est temps que je reviegne à descripre l'entrée de monseigneur de Ravestain et celle de monseigneur le bastard, chevalier gardant l'Arbre d'or, qui pour ce jour coururent, et non plus ; et, à la vérité, l'on doit ligierement entendre qu'il fut tard, car la venue de l'espousée fut longue et
1. Lieutenant du maréchal de Bourgogne, et non pas Robert de Miraumont, comme une erreur de copiste sans doute le fait dire à notre chroniqueur.
le disner long, et povoit estre six heures avant que vint monseigneur de Ravestain l .
« Gomme dessus est dit, monseigneur de Ravestain, environ six heures, arriva à la porte de l'Arbre d'or, laquelle il trouva close, et son poursuyvant, nommé Ravestain, la coste d'armes vestue, qui portoit le blason de ses armes, hurta trois fois d'ung marteau doré à ladicte porte ; et tantost Juy fut la porte ouverte, et vint Arbre d'or le poursuyvant, aïant une cotte d'armes blanche, à grant arbre2 d'or ; et estoit accompaigné du cappitaine des archiers de monseigneur le bastard et de six de ses archiers, qui deffendoient l'entrée. Ledit Arbre d'or dist au poursuyvant : « Noble officier d'armes, que demandez vous? » Et le poursuyvant luy respondit : « A ceste porte est « arrivé hault et puissant seigneur monseigneur Adolf « de Gleves, seigneur de Ravestain, lequel est icy « venu pour accomplir l'adventure de l'Arbre d'or. Si « vous présente le blason de ses armes, et vous prie « que ouverture luy soit faicte et qu'il soit receu. »
« Ledit Arbre d'or print unes tables, où il escrivit le nom du chevalier venant au pas, et puis print en ses mains, en grant révérence et à genoulx, le blason de monseigneur de Ravestain et l'emporta solempnellement jusques à l'Arbre d'or ; et, en passant par devant les juges, leur monstra ledit blason et leur dist l'adventure qu'il avoit trouvée à la porte. Si fut ledit blason mis et actaiché à l'Arbre d'or, comme il estoit ordonné, et fut faict sçavoir au chevalier qui gardoit
