A grans arbres

le pas le nom de celluy qui estoit arrivé pour son emprinse fournir.

« A celle heure partirent du perron pour venir à la porte, Arbre d'or, qui alloit devant, et après luy le nain qui menoit le géant enchainé ; le nain estoit vestu d'une longue robe, la moictié de drap damas blanc, et l'aultre moictié de satin figuré cramoisy, et avoit une barrette en sa teste; et le géant estoit vestu d'une longue robe d'ung drap d'or d'estrange façon, et n'avoit riens en sa teste que ung petit chappeau de Prouvence. Ledit géant estoit sçaint, parmy le faulx du corps, d'une chaîne. Celle chaîne estoit longue et traignant, et par le bout qui traignoit le tenoit ledit nain et le menoit après soy ; et ainsi arrivèrent à la porte.

« Sur ce poinct fut la porte ouverte, et entrèrent premièrement les clairons de monseigneur de Ravestain, et après lesdits clairons venoient les tabourins, et après les tabourins les officiers d'armes, et après iceulx officiers d'armes venoit ung chevalier, à manière d'ung homme de conseil. Ledit chevalier estoit monté sur une petite mulle enharnachée de velours bleu, et ledit chevalier vestu d'une longue robe de velours bleu. Suyvant ledit chevalier venoit la personne de monseigneur de Ravestain, en une litière richement couverte de drap d'or cramoisy1. Les pannunceaulx2 de ladicte litière estoient d'argent, aux armes de mondit seigneur de Ravestain, et tout le bois richement paint, aux devises de mondit seigneur.

1. V. un récit un peu différent dans Jean de Haynin (Mémoires, t. I, p. 106), et Excerpta hùtorica, p. 223.