En 1563, Paques fut le 11 avril
crés si leur povoir feüst esté tel, comme leur intencion estoit telle. Mais les Uguenaus se voiïans estre chargés, ils se défendirent d’une telle furie, tellement qu'ils en tuarent, de Papistes, de 15 à 20 et [feïrent} autans de prisonniers. De fait, incontinant, de la Religion, envoïarent à mossur de Crusols la chose qui leur estoit advennue et comment se devoient guoverner. De fait, incontinent, ledit de Crussols manda au Roi les choses, comme fse] passoient. Mais sependant seus de la Religion estoient errans jusques que la guerre fust pertout.
88. — Joyeuse et les garnisons papistes du Languedoc. — En ce mesmes temps, à Lodève, Pésénas et autres lieus du Languedoc, [les] Papistes ne voloient laiscer entrer ceus de la Religion, mes tojorns faisoient grans guardes, mesmes à Pésénas, que i avoit companies d’ltallens et Spaignols Papistes, que mossur de Joïeuse i avoict mis, telement qu'ils ne voloient jamès sortir qu'ils ne fucent païés. Ledict Joïeuse aussi voloit recouvrer * serteine artillerie qu’il avoict mise dedans. Mais les soldats ne lui volsirent rendre jamais que plus tost ne fussient satisfaits de ce que leur estoibt deü.
89. — L'affaire Lubac de Millau (juin-juillet). — Notés qu’en Millau, i avoict un nommé mossur Lubac, homme de court, lequel, en son temps, avoit desbauchées trois ou catre filles et encores en entretenoit une. Dont, lui estoit sovantes fois exortés, mesmes la justicie advertis, mais jamais n'en fist aucune punnition. De faict, l'Eglise voïant cela, comme lui, estant de la Religion, feüst exorté ; mais il nia tout; mais la chose estant évidente, il feüst suspendu des sacremans, le 12 de juin 1563, sus la chaire, publicament. Mais la pallarde fust exécutée per la mein d'un perbost. Notés que cestui-ci dessus nommé Lubac estoit un gran brolleur de procès et pallard mal vivant. La justicie ne volut jamais faire aulcunne mencion dudit crime. Dieu permist que justicie particullère en feüst faicte : tel-
4563 PIERRE DURANT ÉT LE MINISTRE DE VAUX 97 lement que, un soir, se passegant ! per la plasse, environ neuf heures, le deix de juillet 1563, quelque un vint et lui donna un coup de dague sus la tétine guauche. Dont, jamais ne parla, car il ne tarda guières de morir, sans que iamais l’on peüt savoir qui lavoit fait.
90. — Pierre Durant et le ministre de Vaux (Millau). — En ce temps mesmes, il i eüst un merchant de ceste ville, que l’on nommoit Pierres Durant, lequel trobla l'Eglise, s'estant cargé de jalosie o malicie contre le ministre, mossur de Vaus : telement qu'il l'accusa de pallardise avec une sa bele ser, vefve de son frère. Or, cc propos estant fort avancé, l'Eglise les appela tous deus au consistoire, per veoir coment ces choses aloient. Estans touts deus audit *“ concistoire, chescun desduit son dire. Mais ledit Durant ne se voleüt submetre au concistoire de Millau, d'autant que la chose est grave, mais de fait, s'en apela au premier sinode que se tiendra. Dont, incontinant, ledit concistoire lui accorda. Or, el bout de peu de temps, un sinode se tint à Monpeller. Dont, les deus parties s’i treuvarent et furent ouiïes tous deus, leurs acusations et faicte la lecture derechef d’iceles. Dont, ledit Durant derechef accusa ledit de Vaus, l’accusant de pallardise, disant qu'il avoict rendue une femme enseincte, « de faisson que toute la ville de Millau en estoit scandalisés et moi-mesmes, joinct aussi qu’il i a de grans soubsons, car je n’en parle, sinon per l'avoir veü, mesmes que touts les abitans de Millau en sont abrevés de ce faict ici, et me sobmès de preuver tout ce que je vous ai prépausé. » Dont feüst hordonné per ledit sinode que le ministre de Meirueis se trensporteroit sus le lieu, ensemble le ministre de Maruegols, ensemble un diacre, per mieus s'enquérir du faict qu'est question.
Dont, les ministres et diacre vindrent à Millau, per reouvir les parties et hoiïir les tesmoins que ledit Durant exiba. De faict, les tesmoins que feürent hois dé-
