Mot raturé ct remplacé postéricurement par : promenant

, Fol. 41 rs

pausarent plus tost contre ledict Durant que per lui, et mesmes d’autres que ne volsirent rien dépauser, aïant horreur du faict, car c'’estoit d’une famme d'honneur. Dont, per ceste cause, i vaccarent six jorns à fère l’enqueste, et après sela, les assignèrent touts deus à la classe, au Viguan, que se tint le 16 et le 17 de juin 1563.

Dont toutes proscédures furent veües, tant d’une partie que d'autre, ascistans 34 ministres ; et là-mesmes, feüt déclarée lur centence c’est assavoir : que ledit de Vaus ne frécantaroit poinct la femme de laquelle estoit question, le hinibant et deffendant, à la peine de sofrir ensuivent les corrections et censures ecclésiastiques ; et que ledit Pieres Durant, d'autant qu'il ne avoict faictes les preuves de ce qu'il avoit mis sus ledit de Vaus et la famme, “ que ledit Durant en feroit réparation publicque, devant toute l'assemblée, un digmenche matin, après la presche, à Millau ; lequel Duran demandera perdon à Dieu premièrement et à toute l’Esglise, et semblablement al dit de Vaus et aussi à la femme, en lur rendant lur bonne femme ! el renommée ; et que ledit Durant seroit suspendu des sacrements, per ceste fois, jusque qu'il feroit aparoistre de sa repentence ; et que si ledit Durant l’on ne coroist aucun esmendement ni repentence, qu'il sera excommunié et relranché de l'Esglise, comme un menmbre porri, sens profit.

Ledit Durant entendent la sentance, refusa ne i voloir obéir. Et le 26 de juin, an susdit, le susdit mossur Téron, ministre de Meirueis, vint à Millau per exécuter la charge que la classe du Viguan lui avoient ballée contre ledit Durant. Or, ledit ministre requérit ledit Duran, le requérant s'il voloit acquiesser à la centence donnée par la classe, au Viguan. Ledit Duran respondit que non; mais ledit Durant print un notaire et tesmoins incontinant, enhibent ledict Téron ne passer plus outre, ensui. vent la charge que ledit Téron aveit, protestant contre lui, ores et cant qu'il contreviendroit aux édits du Roi