PRISE DE PALMAS ET DE BERTHOLÈNE

489. — Le capitaine Vinle tué devant Creissels (mai). — En ce dit mois de mai, le capitaine Vinte estant induit per un merchant de Milhau per faire une enbuscade auprès de Creissel, per avoir de soldats dudit lieu o bien per le susprendre, car ledict Vinte estoit capitaine de l'infanterie dudit Millau, de sorte que per son ardiesse, touts les abitans de Milhau le suivoient pertout où il aloipt, voire les merchans, per sa valhentisc. De faict, avant que aler en ladite enbuscade, il protesta disent que à son grand regret il faisoibt sela, cognoisent bien, comme il dist, qu'il lui costeroit la vie; mais d’auctant qu'il l’avoict promis, il ne s’en dedist point. De faict, il y ala avec une troupe de soldatz, touts abitans dudit Milhau ; de sorte qu’il dressa ses embuscades de faisson que les Papistes sortirent dudit Creisel, de sorte qu'ils se meslèrent pesle-mesle. Le capitaine de Creiselh feüst blessé de deux coups d’espée ; à lur sergent lui ostèrent son alebarde et fust bien blessé et “ catre autres soldats blécés et un que fust tué sus la plasse. De faict, pendent que ledit Vinte porchasssoibt son ennemic, lequel estoibt un peu loin de ces soldats, batalhant, un soldat papiste estant près de lui, se pensant que fust de ces soldats, lui lacha l’arcabosade à un pas et demi de costé et lui persa l’os de l'anche et passa près le nombrilh en la partie guauche ; lequel vesquit neuf heures et vint morir à Millau, estant fort regreté per sa valhance.

1490. — Les Papistes prennent Palmas (mai) et Bertholène : (2 juin). — En ce dit mois de mai, toutes les forces de Rouergue que se peürent treuver per les Papistes se assemblarent à Roudés, per aller assiéger Bousouls !, causant que seuls de la Religon le tenoient. Mais ils renborsèrent chemin, voiant que se lieu estoibt inprenable ; telement qu'ils prindrent le chemin de Palmas?, lequel vindrent

1. Bozouls, chef-lieu de canton (arr. de Rodez), Sur cette localité, v. de Barrau, 1, 328.